काठमाडौं, नोभेम्बर १६, २०२६ — तिहारका बेला घरमा कोही नभएको मौका छोपेर चोरी गरेको आरोपमा तीन जनासहित चोरीको सुन किन्ने र बिक्री गर्न सहयोग गर्ने थप दुई जना गरी पाँच जना पक्राउ परेका छन्।
काठमाडौं उपत्यका अपराध अनुसन्धान कार्यालय टेकुबाट खटिएको प्रहरी टोलीले उनीहरूलाई उपत्यकाका विभिन्न स्थानबाट चोरीका गरगहना र घर फोड्न प्रयोग गरिएको आशंकाका औजारसहित नियन्त्रणमा लिएको हो।






