काठमाडौँ, सेप्टेम्बर २०, २०२६ — काठमाडौँको टंगालस्थित भाटभटेनी सुपर स्टोर सोमबार, सेप्टेम्बर २१ देखि पुनः सञ्चालनमा आउने भएको छ । स्टोरबाट ग्राहकलाई दैनिक रूपमा नियमित सेवा प्रदान गरिने भएको छ ।
भाटभटेनी सुपर मार्केटका प्रमुख सञ्चालन अधिकृत पानु पौडेलले टंगालस्थित स्टोरबाट सोमबारदेखि ग्राहकलाई नियमित सेवा प्रदान गरिने जानकारी दिए ।
भाट–भटेनी सुपर मार्केट प्रालिका अध्यक्ष तथा प्रबन्ध निर्देशक मीनबहादुर गुरुङले ठूलो क्षति बेहोरे पनि कम्पनीले आफ्नो व्यावसायिक गतिविधि तथा कर्मचारीप्रतिको जिम्मेवारीलाई बेवास्ता नगरेको बताए ।
उनका अनुसार भाटभटेनीमा कार्यरत १० हजारभन्दा बढी कर्मचारीलाई रोजगारीबाट अलग गरिएको छैन र पुनः सञ्चालनमा आएका स्टोरहरूमा उनीहरूको भूमिकालाई निरन्तरता दिइएको छ ।
गुरुङले विज्ञप्तिमार्फत आगलागीबाट भएको क्षतिका बाबजुद कम्पनीले पुनर्निर्माण गरी पुनः सञ्चालनमा फर्कने निष्कर्षमा पुगेको बताएका छन् ।
‘मनमा पीडा थियो, आँखामा आँसु थियो, आँखै अगाडिका स्टोरमा आगो बलिरहेका थिए तर पनि हामीले राज्यप्रतिको दायित्व बिर्सिएनौँ, कर्मचारीप्रतिको दायित्व, भूकम्प, कोभिडलगायतका बेला भाटभटेनीले पुर्याएको योगदान सम्झियौँ । र, हामी एउटा निष्कर्षमा पुग्यौँ–खरानीबाट फेरि उठ्ने छौँ,’ गुरुङले विज्ञप्तिमा भनेका छन् ।
भारतीय विदेश सचिव विक्रम मिश्री प्रधानमन्त्री वालेन्द्र शाहको प्रस्तावित भारत भ्रमणको तयारीका लागि काठमाडौं आएका छन्। उनले प्रधानमन्त्री शाहसँग भेट्ने कार्यक्रम छ।
०४-नोभेम्बर-२०२६ १२:०५ PM
काठमाडौंको सुन्दरीजलमा दुई मोटरसाइकल ठोक्किँदा सन्तोष ढुंगानाको मृत्यु भएको छ भने टीकाराम गुरुङ घाइते भएका छन्। ठक्कर दिने चालकले मादक पदार्थ सेवन गरेको पाइएको छ।
०३-नोभेम्बर-२०२६ १०:०१ AM
नागढुंगा सुरुङ मार्ग प्रयोग गर्ने सवारीसाधनबाट कात्तिक १५ देखि शुल्क उठाइने भएको छ। सवारीसाधनको वर्ग र यात्राको दिशाअनुसार ६० देखि ६०० रुपैयाँसम्म शुल्क लाग्नेछ।
२९-अक्टोबर-२०२६ १२:३७ PM
त्रिभुवन अन्तर्राष्ट्रिय विमानस्थलबाट १४ किलो थाई गाँजासहित दुई भारतीय महिला पक्राउ परेका छन्। उनीहरू थाइल्यान्डबाट मलेसिया हुँदै बाटिक एयरको उडानमार्फत काठमाडौँ आएका थिए।
२८-अक्टोबर-२०२६ १०:१२ AM
काठमाडौंको विश्राम गेस्ट हाउसबाट १२० ग्राम ब्राउन सुगर बरामद भएपछि सशस्त्र प्रहरीले पाँचथरका सुन्दर राई र रविना राईलाई पक्राउ गरेको जनाएको छ।
२७-अक्टोबर-२०२६ १२:३९ PM
काठमाडौंको बबरमहलमा निर्माणाधीन आकाशे पुल यसै साता सञ्चालनमा आउने अपेक्षा गरिएको छ। सडक डिभिजन कार्यालयका अनुसार आयोजनाको कुल लागत २ करोड ५२ लाख ४० हजार रुपैयाँ छ।
२६-अक्टोबर-२०२६ ०२:२५ PM
गुरुङका अनुसार आगलागीपछि तातो खरानी, तातो फलाम र तातो इँटा पन्छाउँदै कम्पनीले एक साताभित्रै पुनर्निर्माणको काम सुरु गरेको थियो ।
पूर्णरूपमा आगजनी भएको कोटेश्वरस्थित स्टोर आगलागीको पाँच महिनापछि पुनः सञ्चालनमा ल्याइएको उनले बताए ।
आगलागीबाट ध्वस्त भएका १२ वटा स्टोरमध्ये अहिलेसम्म १० वटा स्टोर पुनः सञ्चालनमा ल्याउन सफल भएको गुरुङले बताए । बाँकी दुई वटा स्टोर पुनर्निर्माणको अन्तिम चरणमा रहेकाले छिट्टै सञ्चालनमा आउने विश्वास उनले व्यक्त गरे ।
दमक र हेटौँडाका स्टोरहरूमा आवश्यक संरचनागत काम, उपकरण व्यवस्थापन तथा आन्तरिक निर्माणको काम जारी रहेको गुरुङले बताए । ती स्टोरबाट पनि ग्राहकलाई छिट्टै पुनः सेवा उपलब्ध गराउने कम्पनीको लक्ष्य रहेको उनले बताए ।
पुनर्निर्माणका क्रममा गुणस्तर र दीर्घकालीन सञ्चालनलाई समेत ध्यानमा राखिएको कम्पनीले जनाएको छ ।
पूर्णरूपमा आगजनी भएका स्टोरहरूको पुनर्निर्माणमा स्वाभाविक रूपमा ठूलो समय, स्रोत तथा लगानी आवश्यक पर्ने भए पनि चौबीसै घण्टा कामलाई निरन्तरता दिएर ग्राहकलाई पुनः सेवा उपलब्ध गराउन सफल भएको गुरुङले बताए ।