काठमाडौं, नेपाल, २३ अगस्ट २०२६ — भारतका पूर्व टेस्ट विकेटकिपर ब्याटर केएस भरत तेस्रो संस्करणको नेपाल प्रिमियर लिग (एनपीएल) का लागि काठमाडौं गोर्खाजमा आबद्ध भएका छन्। उनी आगामी संस्करणका लागि काठमाडौं गोर्खाजले घोषणा गरेको पहिलो विदेशी खेलाडी बनेका छन्।
काठमाडौं गोर्खाजले सामाजिक सञ्जालमार्फत ३२ वर्षीय भरतलाई टोलीमा अनुबन्ध गरेको जानकारी दिएको हो। टेस्ट क्रिकेटको अनुभव बोकेका भरतले काठमाडौं गोर्खाजको विकेटकिपिङसँगै ब्याटिङ विभागलाई पनि थप मजबुत बनाउने अपेक्षा गरिएको छ।
भरतले भारतीय राष्ट्रिय टोलीबाट टेस्ट क्रिकेट खेलेका छन्। उनले यसै वर्ष अन्तर्राष्ट्रिय क्रिकेटबाट सन्न्यासको घोषणा गरेका थिए। विकेटकिपिङमा दक्ष भरतले मध्यक्रममा ब्याटिङ गर्दै टोलीका लागि रन बनाउन सक्ने क्षमता पनि राख्छन्।
भरतले टी–२० क्रिकेटमा ९१ खेल खेल्दै १,८०० भन्दा बढी रन बनाएका छन्। भारतीय घरेलु क्रिकेटमा लामो समय बिताएका उनले इन्डियन प्रिमियर लिग (आईपीएल) का विभिन्न टोलीबाट समेत खेलिसकेका छन्।
उनी सन् २०२४ मा आईपीएलको उपाधि जितेको कोलकाता नाइट राइडर्स टोलीका सदस्यसमेत थिए।
भरतको आगमनसँगै काठमाडौं गोर्खाजको विकेटकिपिङ विकल्प थप बलियो भएको छ भने ब्याटिङ लाइनअपमा पनि अन्तर्राष्ट्रिय तथा घरेलु क्रिकेटको अनुभव थपिएको छ।
न्युजिल्यान्डका अलराउन्डर जिम्मी निसम तेस्रो एनपीएलका लागि जनकपुर बोल्ट्समा फर्किएका छन्। उनले २०२४ मा जनकपुरलाई उपाधि जिताउन नौ खेलमा २४७ रन र सात विकेट लिएका थिए।
२५-अगस्ट-२०२६ ०१:५५ PM
दक्षिण अफ्रिकी ब्याटर डेभिड मिलर तेस्रो एनपीएल खेल्न कर्णाली याक्समा आबद्ध हुन नेपाल आइपुगेका छन्। उनले शुक्रबार सुदूरपश्चिम रोयल्सविरुद्ध खेल्ने अपेक्षा गरिएको छ।
०४-नोभेम्बर-२०२६ १२:४९ PM
एनपीएलमा आज विराटनगर र जनकपुरबीच दिउँसो १२:३० बजे तथा लुम्बिनी र पोखराबीच ४:३० बजे खेल हुँदैछन्। पोखरा पहिलो जितको खोजीमा हुनेछ।
०३-नोभेम्बर-२०२६ ०९:५६ AM
एनपीएलमा काठमाडौं गोर्खाजले कर्णाली याक्सले दिएको १८१ रनको लक्ष्य १९.४ ओभरमा चार विकेट गुमाएर पूरा गर्दै ६ विकेटको जित निकालेको छ।
०२-नोभेम्बर-२०२६ ०४:५७ PM
एनपीएलमा पोखरा एभेन्जर्सले बुधबार साँझ ५ बजे कीर्तिपुरमा सुदूरपश्चिम रोयल्ससँग खेल्दै प्रतियोगिताको सुरुआत गर्नेछ। पहिलो खेल हारेको सुदूरपश्चिम पहिलो जितको खोजीमा हुनेछ।
२८-अक्टोबर-२०२६ ०९:३६ AM
एनपीएलको पहिलो खेलमा चितवन राइनोजले विराटनगर किङ्सलाई आठ रनले हरायो। चितवनले १५७ रन बनाएको थियो भने विराटनगर १४९ रनमा अलआउट भयो।
२७-अक्टोबर-२०२६ ०४:४७ PM
तेस्रो संस्करणको एनपीएलका लागि काठमाडौं गोर्खाजले विदेशी खेलाडी अनुबन्ध गर्ने प्रक्रिया सुरु गरेको छ। भरतको घोषणा टोलीको आगामी सिजनका लागि विदेशी खेलाडीसम्बन्धी पहिलो सार्वजनिक घोषणा हो।