काठमाडौं, १५ सेप्टेम्बर २०२६ — अस्ट्रेलियाका स्टार क्रिकेटर डेभिड वार्नरले नेपाल प्रिमियर लिग (एनपीएल) को तेस्रो संस्करणमा काठमाडौं गोर्खाजबाट खेल्ने भएका छन्। वार्नर एनपीएलमा सहभागी हुने अहिलेसम्मकै सबैभन्दा ठूलो अन्तर्राष्ट्रिय क्रिकेट नाम बनेका छन्।
काठमाडौं गोर्खाजले मंगलबार सामाजिक सञ्जालमार्फत वार्नरसँग सम्झौता भएको औपचारिक घोषणा गरेको हो। यससँगै फ्रेन्चाइजले केही दिनदेखि संकेतमार्फत सार्वजनिक गरिरहेको चर्चित विदेशी खेलाडीको पहिचान पनि खुलेको छ।
यसअघि अस्ट्रेलियाली क्रिकेट संस्था सिम स्ट्राइकले वार्नर एनपीएल खेल्ने दाबी गर्दै सामाजिक सञ्जालमा पोस्ट गरेको थियो। वार्नरले उक्त पोस्टमा लाइक गरेपछि उनको एनपीएल सहभागिताबारे चर्चा थप बढेको थियो। त्यसपछि काठमाडौं गोर्खाजले आफ्नो मुख्य विदेशी खेलाडीबारे विभिन्न संकेत सार्वजनिक गरेको थियो, जसले वार्नरतर्फ संकेत गरेका थिए।
३९ वर्षीय वार्नर अस्ट्रेलियाका सफल आधुनिक क्रिकेटरमध्ये एक हुन्। उनी सन् २०१५ र २०२३ को एकदिवसीय विश्वकप जित्ने अस्ट्रेलियाली टोलीका सदस्य थिए। उनले सन् २०२१ को टी–२० विश्वकप र २०२३ को विश्व टेस्ट च्याम्पियनसिप जित्ने टोलीमा पनि महत्वपूर्ण भूमिका खेले।
वार्नर तीनवटै अन्तर्राष्ट्रिय प्रारूपमा शतक बनाउने अस्ट्रेलियाली खेलाडीमध्ये एक हुन्। उनले अस्ट्रेलियाका लागि ११० टी–२० अन्तर्राष्ट्रिय खेलमा ३ हजार २७७ रन बनाएका छन्। उनको स्ट्राइक रेट १४२.४७ रहेको छ भने उनले एक शतक पनि बनाएका छन्।
समग्र टी–२० क्रिकेटमा वार्नरले ४३९ खेल खेल्दै १४ हजार २८४ रन बनाएका छन्। उनको नाममा १० शतक र ११८ अर्धशतक छन्।
एनपीएलमा आज काठमाडौं गोर्खाज र सुदूरपश्चिम रोयल्सबीच पहिलो खेल हुँदैछ। दोस्रो खेलमा चितवन राइनोजले जनकपुर बोल्ट्ससँग प्रतिस्पर्धा गर्नेछ।
१३-नोभेम्बर-२०२६ १०:५२ AM
एनपीएल २०२६ मा आज कीर्तिपुरमा सुदूरपश्चिम रोयल्स र जनकपुर बोल्ट्स भिड्दैछन्। दुवै टोली प्लेअफ सम्भावना बलियो बनाउन महत्वपूर्ण जितको खोजीमा छन्।
१०-नोभेम्बर-२०२६ १०:५२ AM
एनपीएलमा सोमबार कीर्तिपुरमा दुई खेल हुँदैछन्। पहिलो खेलमा कर्णाली याक्सले पोखरा एभेन्जर्ससँग खेल्नेछ भने दोस्रोमा चितवन राइनोजले काठमाडौं गोर्खाजको सामना गर्नेछ।
०९-नोभेम्बर-२०२६ १०:३३ AM
एनपीएलमा अनलाइन सट्टेबाजी सञ्चालन गरेको आरोपमा भारतीय नागरिक सोनु कुमार सिन्हा काठमाडौंमा पक्राउ परेका छन्। प्रहरीले उनको ८९ लाख ८१ हजार ७२९ रुपैयाँ बराबरको कारोबार फेला पारेको जनाएको छ।
०५-नोभेम्बर-२०२६ ०५:०६ PM
दक्षिण अफ्रिकी ब्याटर डेभिड मिलर तेस्रो एनपीएल खेल्न कर्णाली याक्समा आबद्ध हुन नेपाल आइपुगेका छन्। उनले शुक्रबार सुदूरपश्चिम रोयल्सविरुद्ध खेल्ने अपेक्षा गरिएको छ।
०४-नोभेम्बर-२०२६ १२:४९ PM
भारतीय पूर्व टेस्ट विकेटकिपर केएस भरत व्यस्तताका कारण यस सिजन काठमाडौँ गोर्खाजबाट एनपीएल नखेल्ने भएका छन्। क्लबले सामाजिक सञ्जालमार्फत उनको अनुपस्थितिबारे जानकारी दिएको छ।
०४-नोभेम्बर-२०२६ १२:२२ PM
बायाँहाते ओपनर वार्नरसँग विश्वका प्रमुख फ्रेन्चाइज टी–२० प्रतियोगिताको व्यापक अनुभव छ। उनले इन्डियन प्रिमियर लिग (आईपीएल), बिग बास लिग (बीबीएल), पाकिस्तान सुपर लिग (पीएसएल), द हन्ड्रेड, मेजर लिग क्रिकेट, बंगलादेश प्रिमियर लिग (बीपीएल), क्यारेबियन प्रिमियर लिग (सीपीएल) र भाइटलिटी ब्लास्टलगायत प्रतियोगिता खेलिसकेका छन्।
वार्नरको आगमनले एनपीएलको तेस्रो संस्करणमा अन्तर्राष्ट्रिय आकर्षण थप्ने अपेक्षा गरिएको छ। उनको सहभागिताले काठमाडौं गोर्खाजसँगै नेपालको फ्रेन्चाइज क्रिकेट प्रतियोगितातर्फ अन्तर्राष्ट्रिय ध्यान बढाउने अपेक्षा गरिएको छ।
एनपीएलको तेस्रो संस्करण अक्टोबर २६ देखि नोभेम्बर २१, २०२६ सम्म सञ्चालन हुने तय भएको छ।