काठमाडौँ, नोभेम्बर ४, २०२६ — तेस्रो संस्करणको नेपाल प्रिमियर लिग (एनपीएल) खेल्न कर्णाली याक्समा अनुबन्ध भएका दक्षिण अफ्रिकी ब्याटर डेभिड मिलर नेपाल आइपुगेका छन्।
३७ वर्षीय बायाँहाते मध्यक्रमका ब्याटर बुधबार बिहान त्रिभुवन अन्तर्राष्ट्रिय विमानस्थलमा अवतरण गरेका हुन्। उनलाई कर्णाली याक्स स्पोर्ट्स प्रालिका प्रतिनिधिहरूले विमानस्थलमा स्वागत गरेका थिए।
मिलरले अन्तर्राष्ट्रिय क्रिकेटसँगै विश्वका विभिन्न चर्चित फ्रेन्चाइज लिगमा आफ्नो पहिचान बनाएका छन्। उनले भारतको इन्डियन प्रिमियर लिग (आईपीएल), अस्ट्रेलियाको बिग बास लिग र पाकिस्तान सुपर लिगलगायत प्रतियोगिता खेलेका छन्।
आईपीएलमा उनले दिल्ली क्यापिटल्स, राजस्थान रोयल्स, किंग्स इलेभेन पञ्जाब र गुजरात टाइटन्सबाट खेलेका थिए। सन् २०२२ मा गुजरात टाइटन्सले पहिलोपटक आईपीएल उपाधि जित्दा मिलर टोलीका महत्वपूर्ण खेलाडी थिए।
कर्णाली याक्स स्पोर्ट्स प्रालिका अध्यक्ष गृहेन्द्र घिमिरेले मिलरको आगमनले नेपालको पर्यटन प्रवर्द्धनमा समेत योगदान पुग्ने बताएका छन्।
मिलरले दक्षिण अफ्रिकाबाट १४० टी–२० अन्तर्राष्ट्रिय खेलमा २ हजार ८०४ रन बनाएका छन्। यस क्रममा उनले दुई शतक र नौ अर्धशतक प्रहार गरेका छन्। उनका दुवै टी–२० अन्तर्राष्ट्रिय शतक भारत र बंगलादेशविरुद्ध बनेका थिए।
एनपीएलमा पोखरा एभेन्जर्सले बुधबार साँझ ५ बजे कीर्तिपुरमा सुदूरपश्चिम रोयल्ससँग खेल्दै प्रतियोगिताको सुरुआत गर्नेछ। पहिलो खेल हारेको सुदूरपश्चिम पहिलो जितको खोजीमा हुनेछ।
२८-अक्टोबर-२०२६ ०९:३६ AM
पीसीबीले साहिबजादा फरहानलाई फिर्ता पठाउन भनेपछि कर्णाली याक्सका पहिलो दुई एनपीएल खेलमा उनको सहभागिता नहुने अपेक्षा गरिएको छ। उनी अक्टोबर ३१ मा नेपाल फर्किने बताइएको छ।
२६-अक्टोबर-२०२६ ०२:३५ PM
भारतीय पूर्व टेस्ट विकेटकिपर केएस भरत व्यस्तताका कारण यस सिजन काठमाडौँ गोर्खाजबाट एनपीएल नखेल्ने भएका छन्। क्लबले सामाजिक सञ्जालमार्फत उनको अनुपस्थितिबारे जानकारी दिएको छ।
०४-नोभेम्बर-२०२६ १२:२२ PM
एनपीएलमा विराटनगर किंग्सले जनकपुर बोल्ट्सलाई २ रनले हराएको छ। विराटनगरले १७४ रन बनाउँदा जनकपुरले २० ओभरमा १७२ रन मात्र जोड्यो।
०३-नोभेम्बर-२०२६ ०४:१२ PM
एनपीएलमा आज विराटनगर र जनकपुरबीच दिउँसो १२:३० बजे तथा लुम्बिनी र पोखराबीच ४:३० बजे खेल हुँदैछन्। पोखरा पहिलो जितको खोजीमा हुनेछ।
०३-नोभेम्बर-२०२६ ०९:५६ AM
नेपाल प्रिमियर लिगमा आज दुई खेल हुँदैछन्। पहिलो खेलमा जनकपुर बोल्टसले काठमाडौं गोर्खाजसँग दिउँसो साढे १२ बजे र दोस्रोमा कर्णालीले विराटनगरसँग साँझ ५ बजे खेल्नेछ।
२९-अक्टोबर-२०२६ ११:३२ AM
समग्र टी–२० क्रिकेटमा ५८४ खेल खेलेका मिलरले १२ हजार ४३५ रन बनाएका छन्। यस क्रममा उनले चार शतक र ५३ अर्धशतक प्रहार गरेका छन्।
सन् २०१७ मा बंगलादेशविरुद्ध उनले ३५ बलमै शतक प्रहार गरेका थिए। त्यस्तै, आईपीएलमा पञ्जाबबाट खेल्दा रोयल च्यालेन्जर्स बैंगलोरविरुद्ध ३८ बलमै शतक बनाएका थिए।
कात्तिक ९ गतेदेखि सुरु भएको एनपीएलमा कर्णाली याक्सले अहिलेसम्म तीन खेल खेलेको छ। टोलीले दुई खेल जितेको छ भने एक खेलमा पराजित भएको छ। पहिलो खेलमा जनकपुरलाई १९ रनले र दोस्रो खेलमा विराटनगरलाई चार विकेटले हराएको कर्णाली तेस्रो खेलमा काठमाडौँ गोर्खाजसँग चार विकेटले पराजित भएको थियो।
कर्णाली याक्सले अब शुक्रबार सुदूरपश्चिम रोयल्ससँग खेल्नेछ। उक्त खेलमा मिलर पनि मैदान उत्रिने अपेक्षा गरिएको छ।