काठमाडौं, अक्टोबर २६, २०२६ — साविक विजेता लुम्बिनी लायन्सले तेस्रो संस्करणको नेपाल प्रिमियर लिग (एनपीएल)मा सुदूरपश्चिम रोयल्सलाई सात विकेटले हराउँदै विजयी सुरुआत गरेको छ। त्रिवि क्रिकेट मैदानमा सुदूरपश्चिमले दिएको ८८ रनको लक्ष्य लुम्बिनीले ९ ओभर ५ बलमा तीन विकेट गुमाएर पूरा गर्यो।
लुम्बिनीको जितमा ओपनर डार्सी सर्टले १८ बलमा चार चौका र तीन छक्कासहित सर्वाधिक ४० रन बनाए। उनले आसिफ शेखसँग पहिलो विकेटका लागि ७१ रनको साझेदारी गरे। आसिफले ३२ रन बनाए।
निरोशन डिक्वेला सात रन बनाएर बोल्ड भए। शमिम हुसेन एक र कप्तान रोहित पौडेल पाँच रनमा अविजित रहे। सुदूरपश्चिमका अनिल खरेलले दुई तथा कप्तान दीपेन्द्रसिंह ऐरीले एक विकेट लिए।
त्यसअघि टस हारेर पहिले ब्याटिङ गरेको सुदूरपश्चिम १७ ओभर २ बलमा ८७ रनमा समेटिएको थियो। टोलीका कप्तान दीपेन्द्रसिंह ऐरीले सर्वाधिक २७ रन बनाए। सैफ जैवले १३, विनोदले नौ, इशान पाण्डेले सात, ब्रान्डन म्याकमुलेनले दुई र शेर्फन रदरफोर्डले एक रन बनाए। अनिल खरेल १७ रनमा अविजित रहे। स्कट कुइगेलेइन र हेमन्त धामीले खाता खोल्न सकेनन्।
लुम्बिनीका बलरले सामूहिक रूपमा उत्कृष्ट प्रदर्शन गर्दै सुदूरपश्चिमलाई कम योगफलमा रोके। किशोर महतोले चार र शेर मल्लले तीन विकेट लिए। कप्तान रोहित पौडेल, तिलकराज भण्डारी र शाड्ली भान शाकवाइकले एक–एक विकेट लिए।
खेलमा नेपालमा पहिलो पटक निर्णय पुनरावलोकन प्रणाली (डीआरएस) प्रयोग गरिएको थियो। दोस्रो ओभरको अन्तिम बलमा लुम्बिनीका शेर मल्लले एलबीडब्लु अपिल गरेका थिए। अम्पायरले आउट नदिएपछि कप्तान रोहित पौडेलले डीआरएस लिए पनि निर्णय उल्टिन सकेन।
पीसीबीले साहिबजादा फरहानलाई फिर्ता पठाउन भनेपछि कर्णाली याक्सका पहिलो दुई एनपीएल खेलमा उनको सहभागिता नहुने अपेक्षा गरिएको छ। उनी अक्टोबर ३१ मा नेपाल फर्किने बताइएको छ।
२६-अक्टोबर-२०२६ ०२:३५ PM
आईसीसी पुरुष क्रिकेट विश्वकप लिग २ मा नेपालले आठ विकेट गुमाएर २६३ रन बनाउँदै ओमानलाई १५० रनमा समेटेर मंगलबार ११३ रनको जित निकालेको छ।
१३-अक्टोबर-२०२६ ०८:३४ PM
नेपाल प्रिमियर लिगको तेस्रो संस्करणको तयारी अन्तिम चरणमा पुगेको छ। कीर्तिपुर मैदानमा पूर्वाधार, दर्शक क्षमता, पहुँच, सुविधा र व्यवस्थापन सुधारको काम भइरहेको छ।
०७-अक्टोबर-२०२६ १०:१० AM
नेपालले साउदी अरेबियालाई पाँच विकेटले हराउँदै एसीसी प्रिमियर कपको सेमिफाइनलमा स्थान पक्का गर्यो, १९१ रनको लक्ष्य ४१ ओभरमा पाँच विकेट गुमाएर पूरा गरेको हो।
०६-सेप्टेम्बर-२०२६ ०३:४९ PM
नेपालले एसीसी मेन्स प्रिमियर कपमा बहराइनलाई सात विकेटले हराउँदै विजयी सुरुवात गरेको छ। बहराइन ८७ रनमा अलआउट भएपछि नेपालले २१ ओभरमा ८८ रन बनायो।
३१-अगस्ट-२०२६ ०३:२३ PM
एनपीएलको पहिलो खेलमा चितवन राइनोजले विराटनगर किङ्सलाई आठ रनले हरायो। चितवनले १५७ रन बनाएको थियो भने विराटनगर १४९ रनमा अलआउट भयो।
२७-अक्टोबर-२०२६ ०४:४७ PM
एनपीएलअन्तर्गत मंगलबार थप दुई खेल हुँदैछन्। दिउँसो साढे १२ बजे विराटनगर किंग्स र चितवन राइनोज भिड्नेछन् भने साँझ ५ बजे कर्णाली याक्स र जनकपुर बोल्ट्सबीच खेल हुनेछ।