काठमाडौं, अक्टोबर १, २०२६ — भूमिगत विद्युत् वितरण प्रणाली सञ्चालनमा ल्याउन नेपाल विद्युत् प्राधिकरणले काठमाडौं उपत्यकाका विभिन्न स्थानमा १२ दिनसम्म विद्युत् आपूर्ति कटौती गर्ने भएको छ।
प्राधिकरणका अनुसार अक्टोबर १ देखि अक्टोबर १२, २०२६ सम्म कुलेश्वर, बानेश्वर, जोरपाटी र कीर्तिपुर वितरण केन्द्रअन्तर्गतका विभिन्न क्षेत्रमा विद्युत् आपूर्ति बन्द गरी भूमिगत लाइन सञ्चालनलगायत प्राविधिक काम गरिनेछ। सम्बन्धित क्षेत्रमा बिहान १० बजेदेखि दिउँसो ३ बजेसम्म विद्युत् आपूर्ति कटौती हुनेछ।
प्राधिकरणले मौसम प्रतिकूल भए निर्धारित विद्युत् कटौती नगरिने जनाएको छ।
प्राधिकरणका अनुसार अक्टोबर १ मा सतुंगल–बौथली क्षेत्रमा विद्युत् आपूर्ति बन्द हुनेछ।
अक्टोबर २ मा मच्छेगाउँ–दोभान चोक तथा खुसी चोक, अक्टोबर ३ मा मुलपानी, अक्टोबर ४ मा गुर्जुधारा र अक्टोबर ६ मा पुनः मुलपानी क्षेत्रमा विद्युत् आपूर्ति कटौती गरिनेछ।
त्यस्तै, अक्टोबर ७ मा बलम्बु, अक्टोबर ८ मा कोटेश्वर–बालकुमारी, अक्टोबर १० मा सिफल, अक्टोबर ११ मा सतुंगल–धौलागिरि आवास क्षेत्र र अक्टोबर १२ मा धोबीखोला क्षेत्रमा विद्युत् आपूर्ति कटौती गरी आवश्यक काम गरिने प्राधिकरणले जनाएको छ।
एनपीएल २०२६ मा आज कीर्तिपुरमा सुदूरपश्चिम रोयल्स र जनकपुर बोल्ट्स भिड्दैछन्। दुवै टोली प्लेअफ सम्भावना बलियो बनाउन महत्वपूर्ण जितको खोजीमा छन्।
१०-नोभेम्बर-२०२६ १०:५२ AM
एनपीएलमा सोमबार कीर्तिपुरमा दुई खेल हुँदैछन्। पहिलो खेलमा कर्णाली याक्सले पोखरा एभेन्जर्ससँग खेल्नेछ भने दोस्रोमा चितवन राइनोजले काठमाडौं गोर्खाजको सामना गर्नेछ।
०९-नोभेम्बर-२०२६ १०:३३ AM
पश्चिमी वायुको आंशिक प्रभावले केही प्रदेशमा बदलीसँगै हल्का वर्षा र हिमपातको सम्भावना छ। तराईका केही स्थान र काठमाडौं उपत्यकामा बिहान हुस्सु तथा कुहिरो लाग्न सक्छ।
०७-नोभेम्बर-२०२६ ११:०१ AM
एनपीएलमा अपराजित लुम्बिनी लायन्सले आज काठमाडौं गोर्खाजसँग प्रतिस्पर्धा गर्दैछ। कीर्तिपुरमा साँझ ५ बजे हुने खेलमा दुवै टोली जितको लक्ष्यसहित मैदान उत्रनेछन्।
०७-नोभेम्बर-२०२६ १०:३५ AM
एनपीएलमा सोमबार काठमाडौं गुर्खाज र कर्णाली याक्स दिउँसो १२:३० बजे खेल्दैछन्। दोस्रो खेलमा सुदूरपश्चिम रोयल्स र चितवन राइनोज साँझ ५ बजे भिड्नेछन्।
०२-नोभेम्बर-२०२६ १०:१२ AM
नेपाल विद्युत् प्राधिकरणले भदौ मध्यदेखि असोज मध्यसम्म भारतमा विद्युत् निर्यातबाट ५ अर्ब ९२ करोड रुपैयाँ आम्दानी गरेको छ र बंगलादेशमा ४० मेगावाट निर्यात पुनः सुरु गरेको छ।
२५-अक्टोबर-२०२६ ०३:०१ PM
प्राधिकरणले काठमाडौं उपत्यकाको विद्युत् वितरण प्रणालीलाई भूमिगत, सुदृढ र स्वचालित बनाउने उद्देश्यले चरणबद्ध रूपमा काम अघि बढाइरहेको छ।
यसअन्तर्गत पहिलो चरणमा काठमाडौंका रत्नपार्क र महाराजगञ्ज वितरण केन्द्रअन्तर्गतका क्षेत्रमा भूमिगत विद्युत् वितरण प्रणाली निर्माणको काम सुरु गरिएको थियो।
दोस्रो चरणमा काठमाडौंका बाँकी सहरी क्षेत्र, तेस्रो चरणमा ललितपुर र भक्तपुरका सहरी क्षेत्र तथा चौथो चरणमा पोखरा र भरतपुर महानगरपालिकाका क्षेत्रमा यस्तो प्रणाली निर्माण गर्ने कार्यक्रम छ।
कार्यक्रमअन्तर्गत ३३ केभी, ११ केभी तथा ४०० भोल्टका विद्युत् लाइन भूमिगत गरिनेछ। साथै अप्टिकल फाइबरसमेत भूमिगत रूपमा बिछ्याइने प्राधिकरणले जनाएको छ।
भूमिगत प्रणाली सञ्चालनमा आएपछि विद्युत् आपूर्ति प्रणालीको विश्वसनीयता र सुरक्षा बढ्नुका साथै वितरण प्रणालीलाई क्रमशः स्वचालित बनाउन सहयोग पुग्ने प्राधिकरणको अपेक्षा छ।
सहरी क्षेत्रमा विद्युत्, टेलिफोन तथा इन्टरनेट सेवा प्रदायकका तार अव्यवस्थित रूपमा फैलिँदा देखिने समस्या पनि भूमिगत प्रणालीबाट कम हुने प्राधिकरणको भनाइ छ।
यसबाट काठमाडौं उपत्यकाको सहरी सौन्दर्य कायम गर्न तथा आधुनिक र व्यवस्थित विद्युत् वितरण प्रणाली निर्माणमा समेत सहयोग पुग्ने अपेक्षा गरिएको छ।