एनपीएलमा आज काठमाडौं र सुदूरपश्चिम भिड्दै, चितवन र जनकपुरबीच दोस्रो खेल

काठमाडौं, नोभेम्बर १३, २०२६ — नेपाल प्रिमियर लिग (एनपीएल) अन्तर्गत शुक्रबार कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा दुई खेल हुँदैछन्। पहिलो खेलमा शीर्ष स्थानका लागि प्रतिस्पर्धामा रहेका काठमाडौं गोर्खाज र सुदूरपश्चिम रोयल्स आमनेसामने हुनेछन्।

दिउँसो १२:३० बजे सुरु हुने पहिलो खेलमा दुवै टोलीको लक्ष्य अंकतालिकामा आफ्नो स्थिति सुधार गर्नु हुनेछ। दुवै टोलीले अहिलेसम्म आठ–आठ अंक जोडेका छन्।

पाँच खेल खेलेको काठमाडौं चार जित र एक हारसहित अंकतालिकाको दोस्रो स्थानमा छ। सुदूरपश्चिम भने छ खेलमा चार जित र दुई हार बेहोर्दै तेस्रो स्थानमा रहेको छ।

शुक्रबारको दोस्रो खेलमा चितवन राइनोज र जनकपुर बोल्ट्सबीच प्रतिस्पर्धा हुनेछ। दिउँसो ४:३० बजे सुरु हुने खेलमा दुवै टोली जित निकाल्दै अंकतालिकामा सुधार गर्ने लक्ष्यमा हुनेछन्।

चितवन पाँच खेलमा दुई जित र दुई हारसहित पाँचौँ स्थानमा छ। वर्षाका कारण एक खेल भने नतिजाविहीन भएको थियो।

जनकपुर छ खेलमा दुई जित र चार हारसहित छैटौँ स्थानमा छ। चितवनविरुद्ध जित निकाल्दै प्रतियोगितामा आफ्नो स्थिति सुधार्ने प्रयासमा जनकपुर रहनेछ।