सुनसरी, अक्टोबर २९, २०२६ — राष्ट्रिय प्रजातन्त्र पार्टी (राप्रपा) की प्रमुख सचेतक खुश्बु ओलीले सुनसरीको देवानगञ्ज गाउँपालिकास्थित कप्तानगञ्ज घटनाका मृतक परिवारसँग सरकारले गरेका प्रतिबद्धता कार्यान्वयन नभएको भन्दै प्रश्न उठाएकी छन्।
घटनास्थलको अवलोकन गरी स्थानीय बासिन्दा र पीडित परिवारसँग संवाद गरेपछि ओलीले सरकारको प्रतिबद्धताबारे प्रश्न उठाएकी हुन्।
देवानगञ्ज गाउँपालिका–३ कप्तानगञ्जमा साउन १० गते राति दुई समुदायबीच विवाद भएको थियो। विवाद उग्र बनेपछि दुवैतर्फबाट घरेलु हतियार, लाठी र ढुंगामुढा प्रहार हुँदा स्थिति नियन्त्रणबाहिर पुगेको थियो। त्यस क्रममा प्रहरीको गोली लागेर एक स्थानीय युवाको मृत्यु भएको थियो।
घटनामा घाइते भएका एक जनाको उपचारका क्रममा मृत्यु भएपछि ज्यान गुमाउनेको संख्या तीन पुगेको थियो।
पीडित परिवारसँगको अन्तर्क्रियामा आफूले उनीहरूको पीडा, गुनासो र न्यायको माग सुनेको ओलीले बताएकी छन्।
उनले सामाजिक सञ्जालमा लेख्दै घटनापछि सरकारले धार्मिक सहिष्णुताको र्याली निकालेको र मृतकका प्रत्येक परिवारका एक सदस्यलाई रोजगारीको अवसर सुनिश्चित गर्ने प्रतिबद्धता जनाएको उल्लेख गरेकी छन्। तर तीन महिना बितिसक्दा पनि ती प्रतिबद्धता कार्यान्वयन नभएको उनको भनाइ छ।
कोशीका तराई जिल्लामा कांग्रेसका अधिकांश पालिका अधिवेशन सम्पन्न भएका छन्। वर्षाका कारण पहाडी जिल्लाका अधिवेशन प्रभावित हुँदा विराटनगर–६ मा विवादपछि मतदान केही समय रोकिएको थियो।
२५-सेप्टेम्बर-२०२६ ०६:४५ PM
राप्रपा संसदीय दलका नेता ज्ञानेन्द्र शाहीले भोटेकोशी बाढी उद्धारमा सरकारको लापरबाही भएको आरोप लगाउँदै पीडित परिवारलाई न्याय र राहत दिन माग गरेका छन्।
२२-सेप्टेम्बर-२०२६ ०४:५१ PM
२३ वर्षीय नीरजकुमार यादवको सुनसरीको देवानगञ्जमा दाहिने तिघ्रामा गोली लागेको छ। घटनामा दुई जना पक्राउ परेका छन् भने व्यक्तिगत रिसइबीको सम्भावनाबारे अनुसन्धान भइरहेको छ।
१९-सेप्टेम्बर-२०२६ ०९:५२ PM
हर्क साम्पाङ नेतृत्वको श्रम संस्कृति पार्टीको धरानमा केन्द्रीय समिति बैठक जारी छ। सुदन किराँती पक्ष भने बैठकमा सहभागी छैन, एकता अनुमोदनपछि सहभागी गराउने पार्टीले जनाएको छ।
०१-सेप्टेम्बर-२०२६ ०१:१० PM
सरकारी छानबिनले सुनसरीको कप्तानगञ्जमा सुरक्षाकर्मीले चलाएको गोलीबाट तीन जनाको मृत्यु भएको निष्कर्ष निकालेको छ। समितिले आत्मरक्षामा गोली चलेको बताउँदै भविष्यमा यस्ता घटना रोक्न २५ सुझाव दिएको छ।
१९-अगस्ट-२०२६ १२:३७ PM
महिलालाई लक्षित धम्की भएको भनिएको अडियोबारे रास्वपाको छानबिन चलिरहेका बेला सांसद खगेन्द्र सुनार निर्वाचन प्रहरीको पोशाक खरिदसम्बन्धी संसदीय उपसमिति बैठकमा अनुपस्थित भएका छन्।
२९-अक्टोबर-२०२६ ०२:१९ PM
विवादका क्रममा स्थिति नियन्त्रणबाहिर जान लागेपछि जिल्ला प्रशासन कार्यालय सुनसरीले देवानगञ्ज र हरिनगर गाउँपालिका क्षेत्रमा कर्फ्यु आदेश जारी गरेको थियो। सुरक्षा अवस्था थप संवेदनशील बनेपछि नेपाली सेनालाई बख्तरबन्द गाडीसहित गस्तीमा परिचालन गरिएको थियो।
घटना व्यवस्थापनमा कमजोरी देखिएको भन्दै सरकारले सुनसरीका प्रमुख जिल्ला अधिकारी, डीआईजी र प्रहरी प्रमुखलाई फिर्ता बोलाएर नयाँ सुरक्षा कमान्डर खटाएको थियो।
स्थिति नियन्त्रणमा आएपछि साम्प्रदायिक हिंसा फैलिन नदिन स्थानीय प्रतिष्ठित व्यक्ति, राजनीतिक दल र नागरिक समाजले सामाजिक तथा जातीय सद्भाव कायम राख्न र्याली निकालेका थिए। संघीय सरकार र कोशी प्रदेश सरकारले सर्वदलीय बैठक बोलाउनुका साथै पीडित पक्ष र स्थानीय अगुवासँग वार्ता गरेका थिए।
त्यसक्रममा सरकारले प्रत्येक मृतकका परिवारलाई नेपाल सरकारका तर्फबाट १० लाख रुपैयाँ उपलब्ध गराउने सहमति गरेको थियो। साथै, प्रत्येक परिवारका एक जना योग्य सदस्यलाई रोजगारी उपलब्ध गराउन आवश्यक पहल गर्ने प्रतिबद्धता जनाएको थियो।
मृतकको शव नेपाली सेनाको हेलिकोप्टरमार्फत देवानगञ्ज गाउँपालिका–३ पुर्याएर दाहसंस्कार गर्ने तथा घटनाको निष्पक्ष र प्रभावकारी छानबिन गरी दोषीमाथि प्रचलित कानुनअनुसार तत्काल कारबाही प्रक्रिया अघि बढाउने सहमति पनि भएको थियो।
यी प्रतिबद्धता कार्यान्वयन नभएको भन्दै ओलीले प्रश्न उठाएकी छन्। आर्थिक सहायता दिएर मृतकका परिवारलाई शहीद परिवारको संज्ञा दिनु मात्र पर्याप्त नहुने उनको भनाइ छ। उनका अनुसार परिवारहरूले अहिलेसम्म शहीद परिचयपत्रसमेत पाएका छैनन्।
ओलीले घटनाको छानबिन गर्न गठित आयोगको प्रतिवेदन तत्काल सार्वजनिक गर्न र दोषीमाथि कानुनी कारबाही अघि बढाउन माग गरेकी छन्।
उनका अनुसार मृतकका परिवारले सरकारले दिएका आश्वासन पूरा नभएको र आफ्ना परिवारका सदस्यको ज्यान लिने व्यक्तिहरूको पहिचान गरी कारबाही नगरिएको भन्दै प्रश्न गरिरहेका छन्।
पीडित परिवारले न्याय पाउन नसकेको र घटनाका मूल कारण तथा त्यसबाट उत्पन्न समस्याहरू सम्बोधन नभएको भन्दै ओलीले सरकारको ध्यानाकर्षण गराएकी छन्।