विराटनगर, सेप्टेम्बर २५, २०२६ — नेपाली कांग्रेसको १५औँ महाधिवेशनअन्तर्गत कोशी प्रदेशका तराई जिल्लाका अधिकांश पालिका अधिवेशन सम्पन्न भएका छन्।
कांग्रेस कोशी प्रदेश कार्यालयका सचिव नारायण कोइरालाका अनुसार सुनसरीको इनरुवा नगरपालिकामा भने मतदान भइरहेको छ। विराटनगर महानगरपालिका–६ को वडा अधिवेशनका क्रममा दुई पक्षबीच कुटाकुट भएको छ।
अविरल वर्षाका कारण कोशी प्रदेशका पहाडी जिल्लाका अधिकांश पालिकामा भने अधिवेशन सुरु हुन नसकेको कोइरालाले बताए। बाँकी अधिवेशन १३ गतेसम्ममा सकिने उनले बताए।
‘विराटनगर वडा नम्बर ६ मा विवाद भयो । इनरुवामा अहिले निर्वाचन भइरहेको छ,’ कोइरालाले भने। अविरल वर्षाका कारण अधिवेशनको तालिका पछि धकेलिएको उनले बताए।
यसैबीच, विराटनगर महानगरपालिका–६ को वडा अधिवेशनअन्तर्गत मतदान भइरहेका बेला दुई पक्षबीच कुटाकुट भएको छ।
कुटपिटमा संलग्न भएको आरोपमा प्रहरीले एक जनालाई केही समय नियन्त्रणमा लिएको थियो। नियन्त्रणमा लिइएका व्यक्ति विराटनगर–६ का मुस्लिम कोटातर्फका क्षेत्रीय प्रतिनिधिका उम्मेदवार इरसाद अहमद रहेको बताइएको छ।
सुनसरीको केशलिया खोलानजिक बोराभित्र मृत फेला परेका व्यक्तिको पहिचान ६५ वर्षीय भारतीय नागरिक लालजीप्रसाद गुप्ताका रूपमा भएको छ। उनी विराटनगरमा लामो समयदेखि ब्याट्री पसल चलाउँथे।
२५-अक्टोबर-२०२६ ०५:२९ PM
नेपाली कांग्रेसको १५औँ महाधिवेशनमा खुला केन्द्रीय सदस्यतर्फ चिरिबाबु महर्जन ४ हजार १४९ मतसहित अगाडि छन्। निष्कल राई दोस्रो र इन्द्रबहादुर बानियाँ तेस्रो स्थानमा छन्।
१५-अक्टोबर-२०२६ १२:१९ PM
नेपाली कांग्रेसको १५औँ महाधिवेशनमा पेशागत विषय विज्ञतर्फ पाँच केन्द्रीय सदस्य पदका लागि २ हजार मत गणना हुँदा डा. केदार नरसिंह केसी ९०८ मतसहित अग्रस्थानमा छन्।
१४-अक्टोबर-२०२६ ०१:४३ PM
नेपाली कांग्रेसको १५औँ महाधिवेशनबाट खुला समूहमा प्रदीप पौडेल र उदयशमशेर राणा तथा महिला समूहमा डा. डिला संग्रौला (पन्त) महामन्त्रीमा निर्वाचित भएका छन्।
१२-अक्टोबर-२०२६ १०:४२ AM
नेपाली कांग्रेसको १५औँ महाधिवेशनको मतगणना ललितपुरको सानेपामा जारी छ। उपसभापतितर्फ चन्द्रकान्त भण्डारी र महामन्त्रीतर्फ प्रदीप पौडेलले अग्रता लिएका छन्।
११-अक्टोबर-२०२६ ०४:४५ PM
नेपाली कांग्रेसको १५औँ महाधिवेशनमा नयाँ केन्द्रीय कार्यसमिति चयनका लागि मतदान सुरु भएको छ। मतदानमा ७ हजार ३१७ प्रतिनिधि सहभागी हुने अपेक्षा गरिएको छ।
०९-अक्टोबर-२०२६ १२:३८ PM
केसलियास्थित बलभद्र सेवा समितिको सभाहलमा मतदान भइरहेका बेला विवाद भएको थियो। विवादपछि केही समय रोकिएको मतदान प्रक्रिया पुनः सुरु भएको छ।