महाकाली नदीमा पानीको बहाव बढेपछि गड्डाचौकी नाकामा चारपाङ्ग्रे सवारी रोकियो

छवि उपलब्ध छैन

भोटेकोशी बाढीपछि बेपत्ता भएका चार जनाको शव भारतमा फेला परेको छ। भारतीय प्रहरीले ती शव आइतबार नेपाल प्रहरीलाई हस्तान्तरण गरेको छ। जिल्ला प्रहरी कार्यालय नवलपरासी पश्चिमका प्रहरी नायब उपरीक्षक मदन थापाका अनुसार भारतको महाराजगञ्ज जिल्लास्थित एक नदीबाट शवहरू बरामद गरिएको हो। त्यसपछि भारतीय प्रहरीले ती शव नेपाल प्रहरीलाई बुझाएको हो। शवहरू पहिचानका लागि परासीस्थित पृथ्वीचन्द्र अस्पतालमा राखिएको छ।

०१-सेप्टेम्बर-२०२६ ०१:४० PM

छवि उपलब्ध छैन

हर्क साम्पाङ नेतृत्वको श्रम संस्कृति पार्टीको केन्द्रीय समिति बैठक सुनसरीको धरानस्थित होटल गोर्खामा जारी छ। पूर्वमन्त्री सुदन किराँती नेतृत्वको समूहसँग पार्टी एकता भएको चार महिनापछि पहिलोपटक बस्न लागेको केन्द्रीय समिति बैठकमा भने किराँती पक्ष सहभागी छैन। पार्टीका प्रवक्ता सत्य घलेका अनुसार चार महिनाअघि भएको पार्टी एकताको निर्णयलाई बुधबारको बैठकले औपचारिक रूपमा अनुमोदन गरेपछि किराँतीसहित उनको समूहलाई बैठकमा सहभागी गराइनेछ।

०१-सेप्टेम्बर-२०२६ ०१:१० PM

छवि उपलब्ध छैन

भोटेकोशी र त्रिशूली नदीमा हाल पानीको सतह आधिकारिक सतर्कता तहभन्दा तल रहे पनि नदी आसपासका बासिन्दालाई उच्च सतर्कता अपनाउन आग्रह गरिएको छ। भदौ १० गते भोटेकोशीमा आएको विनाशकारी बाढीको पृष्ठभूमिमा जल तथा मौसम विज्ञान अनुसन्धान केन्द्रअन्तर्गतको बाढी पूर्वानुमान महाशाखाले आज यस्तो चेतावनी जारी गरेको हो।

०१-सेप्टेम्बर-२०२६ १२:४८ PM