गैँडाकोट, १२ सेप्टेम्बर २०२६ — नवलपरासी (पूर्व) को गैँडाकोट नगरपालिका–१२ हर्कपुरस्थित पूर्व–पश्चिम राजमार्गमा दुई बस एकआपसमा ठोक्किँदा १८ जना घाइते भएका छन्।
शनिबार बिहान करिब ६:५० बजे नारायणगढबाट बुटवलतर्फ जाँदै गरेको लु.२ ख ६४५७ नम्बरको बसलाई सोही दिशामा पछाडिबाट आउँदै गरेको लु.२ ख ६०३६ नम्बरको बसले ठक्कर दिएको थियो।
लु.२ ख ६४५७ नम्बरको बसमा सवार दुई जना घाइते भएका छन्। घाइते हुनेमा कालिकोटको तिलागुफा नगरपालिका–३ का ३६ वर्षीय धनमान हमाल र नवलपरासी (पूर्व) को गैँडाकोट नगरपालिका–५ की ६० वर्षीया लीला थापा रहेका छन्। उनीहरू दुवैको पुरानो चितवन मेडिकल कलेजमा उपचार भइरहेको छ।
लु.२ ख ६०३६ नम्बरको बसमा सवार १६ जना घाइते भएका छन्। उक्त बसका ४७ वर्षीय चालक चितवनको भरतपुर महानगरपालिका–४ का सन्तोषबहादुर गुरुङ पनि घाइते भएका छन्।
नयाँ चितवन मेडिकल कलेजमा उक्त बसका चालक गुरुङसहित सात जना घाइतेको उपचार भइरहेको छ। उनीहरूमा गैँडाकोट–७ की १२ वर्षीया आत्रिया पौडेल, गैँडाकोट–१५ की ४० वर्षीया माधवा ज्ञवाली, गोरखाका ३५ वर्षीय शंकर बयलकोटी, गैँडाकोट–२ की ३८ वर्षीया सीता ज्ञवाली, सोही स्थानकी ११ वर्षीया जस्विन ज्ञवाली र चितवनको रत्ननगर नगरपालिका–२ की १० वर्षीया दिवा रानाभाट रहेका छन्।
पुरानो चितवन मेडिकल कलेजमा उपचार भइरहेका अन्य नौ घाइतेमा बाराको कलैया उपमहानगरपालिका–९ का ६० वर्षीय मोहन भैया साह, भरतपुर महानगरपालिका–२ की ३१ वर्षीया निशा तिवारी र उनका करिब आठ वर्षीय छोरा ऐट्रेन भट्ट रहेका छन्। त्यस्तै, दाङका करिब ५५ वर्षीय निमलाल खड्का र उनकी करिब ५५ वर्षीया श्रीमती अमृता खड्का, रुपन्देहीको मायादेवी गाउँपालिका–६ का ५७ वर्षीय मनोज गुरुङ र उनकी ५१ वर्षीया श्रीमती हुमा गुरुङ, गैँडाकोट–५ का ५२ वर्षीय प्रेमबहादुर रानाभाट तथा गैँडाकोट–६ की करिब ४३ वर्षीया मिरा आचार्य पनि पुरानो चितवन मेडिकल कलेजमा उपचाररत छन्।
पोखरा महानगरपालिका–२८ मा शुक्रबार बिहान कालिका इङ्लिस स्कुलको बस दुर्घटना हुँदा तीन बालिका, एक बालक र एक स्थानीय व्यक्तिसहित पाँच जनाको मृत्यु भएको छ भने १४ जना घाइते भएका छन्।
०९-अक्टोबर-२०२६ ०१:२४ PM
कालिका बोर्डिङ स्कुलको विद्यार्थी बोकेको बस अक्टोबर ६, २०२६ मा पोखराको ओख्लेमा दुर्घटनामा पर्दा हालसम्म १८ जनाको उद्धार गरिएको छ र उद्धार कार्य जारी छ।
०९-अक्टोबर-२०२६ ०९:५३ AM
इलामको फाकफोकथुम–६ हाङ्मासुलीमा अटो अनियन्त्रित भई दुई मिटर तल खस्दा ६ जना घाइते भएका छन्। आगलागीसमेत भएको दुर्घटनापछि सबैलाई उपचारका लागि बी एन्ड सी अस्पताल लगिएको छ।
१२-सेप्टेम्बर-२०२६ ११:२९ AM
धनगढीमा मोटरसाइकल र स्कुटी ठोक्किँदा ३५ वर्षीया सुशीला बमको मृत्यु भएको छ। दुर्घटनामा अन्य पाँच जना घाइते भएका छन् र प्रहरीले अनुसन्धान गरिरहेको छ।
१३-नोभेम्बर-२०२६ १०:४९ AM
चितवनको इच्छाकामना गाउँपालिका–४ स्थित घोप्टेभीरमा पहिरोका कारण पृथ्वी राजमार्गमा एकतर्फी यातायात मात्र सञ्चालन हुँदा दुईतर्फी आवागमन पुनः सुरु हुन सकेको छैन।
१२-नोभेम्बर-२०२६ १०:५६ AM
काठमाडौं–सर्लाही चल्ने माइक्रोबस बिहीबार मकवानपुरको चिसापानी गढीमा सडकबाट खस्दा १० जनाको मृत्यु भएको छ भने १५ यात्रुमध्ये पाँच जना घाइते भएका छन्।
१२-नोभेम्बर-२०२६ १०:२० AM
घाइते सबैलाई उपचारका लागि भरतपुरतर्फ पठाइएको प्रहरीले जनाएको छ। दुर्घटनाको कारण र घटनासम्बन्धी थप विषयमा अनुसन्धान भइरहेको छ।