मकवानपुर, अक्टोबर २९, २०२६ — चाडपर्वलाई लक्षित गरी सुपथ मूल्यमा खाद्यान्न बिक्री गर्दै आएको साल्ट ट्रेडिङ कर्पोरेसन लिमिटेडको मकवानपुर कार्यालयले आठ लाख रुपैयाँभन्दा बढीको सामान बिक्री गरेको छ।
सरकारको निर्देशनअनुसार असोज १ गतेदेखि नुन, चिनी, तेल र मैदा छुट मूल्यमा बिक्री गर्न थालिएको कार्यालय प्रमुख मधुसुधन अधिकारीले जानकारी दिए। उनका अनुसार दसैँ बिदाको अवधिसम्ममा आठ लाख रुपैयाँभन्दा बढीको खाद्यान्न बिक्री भएको थियो।
सर्वसाधारणलाई समान रूपमा छुटको सुविधा उपलब्ध गराउन प्रतिव्यक्ति छ पोका नुन, छ किलो चिनी, पाँच लिटर तेल र पाँच किलो मैदा बिक्री गर्ने सीमा निर्धारण गरिएको अधिकारीले बताए।
बजारको प्रचलित मूल्यको तुलनामा चिनीमा प्रतिकिलो पाँच रुपैयाँ, नुनमा दुई रुपैयाँ, मैदामा सात रुपैयाँ र तेलमा प्रतिलिटर सात रुपैयाँ छुट दिइएको उनले जानकारी दिए।
कार्यालयका अनुसार उक्त अवधिमा ५० किलोका ६० बोरा चिनी, १० क्विन्टल नुन, सात क्विन्टल मैदा र ५०० लिटर तेल बिक्री भएको छ।
अधिकारीका अनुसार चाडपर्व लक्षित सुपथ मूल्यमा सामान बिक्री गर्ने कार्यक्रम कात्तिक मसान्तसम्म सञ्चालन हुनेछ। साल्ट ट्रेडिङले दसैँ, तिहार र छठलाई लक्षित गर्दै असोज १ गतेदेखि सुपथ मूल्य पसल सञ्चालन गरेको हो।
सर्वोच्च अदालतको आदेशपछि चितवनमा सवारी चालक अनुमतिपत्रको लिखित तथा प्रयोगात्मक परीक्षा रोकिँदा नियमित परीक्षाका करिब दुई हजार र रि–ट्रायलका ८०० सेवाग्राही प्रभावित भएका छन्।
२९-अक्टोबर-२०२६ ११:२५ AM
धनुषा प्रहरीले लागुऔषध, सवारी ज्यान र बैंकिङ कसुरका मुद्दामा कैद तथा जरिवानाको सजाय पाएका फरार पाँच जनालाई पक्राउ गरी फैसला कार्यान्वयनका लागि जिल्ला अदालतमा पेस गरेको छ।
२९-अक्टोबर-२०२६ १०:०० AM
यातायात व्यवस्था विभागले नयाँ सुरक्षा मापदण्ड कार्यान्वयन गर्न ट्र्याकिङ डिभाइस, प्यानिक बटन र क्यामेरा प्रणाली उपलब्ध गराउने कम्पनीलाई ३५ दिनभित्र आवेदन दिन आह्वान गरेको छ।
२९-अक्टोबर-२०२६ ०८:५६ AM
मोरङमा पर्यटक भिसामा आवश्यक अनुमति नलिई स्वास्थ्य शिविरमा सहभागी भएको आरोपमा ब्राजिल, क्यानडा र अमेरिकाका १० विदेशी नागरिकको कागजात अध्यागमन विभाग पठाइएको छ।
२९-अक्टोबर-२०२६ ०८:११ AM
खल्तीका कर्मचारी भएको भन्दै फोन र ह्वाट्सएपमार्फत ठगी गरेको आरोपमा भक्तपुरबाट चार जना पक्राउ परेका छन्। उनीहरूले स्क्रिन सेयर र ओटीपीमार्फत बैंक खातामा पहुँच बनाएको आरोप छ।
२७-अक्टोबर-२०२६ ०१:४० PM
खाद्य व्यवस्था तथा व्यापार कम्पनीको ताप्लेजुङ शाखाले दुई सातामा प्रतिकिलोग्राम ११० रुपैयाँका दरले २४ हजार ८६७ किलोग्राम चिनी बिक्री गरेको छ। शाखाले दाल बिक्री पनि सुरु गरेको छ।
२७-अक्टोबर-२०२६ ०१:१४ PM
कर्पोरेसनले बिर्तामोड, विराटनगर, राजविराज, लहान, जनकपुर, वीरगञ्ज, हेटौँडा, नारायणगढ, त्रिशूली, पोखरा र बागलुङमा सुपथ मूल्य पसल सञ्चालन गरिरहेको छ।