बर्दिया, सेप्टेम्बर २१, २०२६ — बर्दियामा अपांगता भएका व्यक्तिका परिवारले बाँसका सामग्री उत्पादनसम्बन्धी तालिममार्फत आयआर्जनको नयाँ स्रोत पाएका छन्।
अपांगता पुनर्स्थापना केन्द्र बर्दियाले हालै एक महिनाको तालिम सञ्चालन गरेको थियो। तालिमबाट जिल्लाका विभिन्न स्थानका २० जना व्यक्ति तथा उनीहरूका परिवारका सदस्य लाभान्वित भएका छन्।
बढैयाताल गाउँपालिका–९ की सीता चौधरीले दुर्घटनापछि पूर्ण अपांगता भएका आफ्ना श्रीमान्को दुई दशकदेखि हेरचाह गर्दै आएकी छन्। निरन्तर हेरचाहको जिम्मेवारीका कारण उनले यसअघि नियमित रोजगारी गर्न सकेकी थिइनन्।
तालिमबाट सिकेको सीप आयआर्जनको स्रोत बन्नेमा आफू आशावादी रहेको उनले बताइन्। उनले भनिन्, “यो सीप आयआर्जनको स्रोत बन्ने विश्वास छ।”
त्यस्तै, आठ वर्षदेखि आफ्नी आमाको हेरचाह गर्दै आएका देवीराम थारूले अब घरमै बसेर मुडा, पूजाका डालो र ह्याङ्गरजस्ता सामग्री बनाउन सक्ने बताएका छन्।
आरआरएन, डीजीएम नेपाल र एबीएलआईएस फाउन्डेसनको सहयोगमा सञ्चालन गरिएको तालिममा गुलरिया, बाँसगढी, बारबर्दिया र बढैयातालका सहभागीहरू समेटिएका थिए।
बर्दियाको बारबर्दिया–७ मा कोहलपुरबाट धनगढीतर्फ जाँदै गरेको फोटोन इलेक्ट्रिक हायसमा आगलागी हुँदा सवारीका कागजात र ४२ हजार रुपैयाँ नगद जलेर नष्ट भए।
२०-सेप्टेम्बर-२०२६ १२:५२ PM
नेपाली बजारमा गत साता सुनको मूल्य प्रतितोला ११ हजार ३०० रुपैयाँ घटेर २ लाख ७१ हजार ७०० रुपैयाँ कायम भएको छ। चाँदी पनि ११० रुपैयाँले घटेको छ।
१५-नोभेम्बर-२०२६ १२:३२ PM
नेपालले बूढीगण्डकी जलविद्युत् आयोजनामा युएईको लगानी प्रस्ताव गरेको छ। गृहमन्त्री सुधन गुरुङको अबुधाबी भेटमा कृषि, सेवा क्षेत्र र सुरक्षा प्रविधिमा सहकार्य विस्तारबारे पनि छलफल भएको छ।
१५-नोभेम्बर-२०२६ ११:१५ AM
छठ पर्वका अवसरमा मंसिर १ गते सार्वजनिक बिदा भए पनि नेपाल राष्ट्र बैंकले बिहान ९ बजेदेखि दिउँसो ३ बजेसम्म आरटीजीएस प्रणाली सञ्चालन गर्ने भएको छ।
१४-नोभेम्बर-२०२६ ०४:०३ PM
तिहारपछि शुक्रबार बजार खुल्दा सुनको मूल्य प्रतितोला १२ हजार ६ सय रुपैयाँ घटेर २ लाख ७१ हजार ७ सय रुपैयाँ कायम भएको छ भने चाँदी १ सय ५५ रुपैयाँ घटेको छ।
१३-नोभेम्बर-२०२६ ०३:०४ PM
चारवटा जहाज खरिद गर्न नेपाल वायुसेवा निगमले लिएको सरकारको जमानतसहितको ऋण दायित्व ५५ अर्ब ९२ करोड पुगेको छ। यसमा साँवा र ब्याज समावेश छन्।
१०-नोभेम्बर-२०२६ ११:२० AM
अपांगता पुनर्स्थापना केन्द्रका अध्यक्ष नेत्र सापकोटाका अनुसार बर्दियामा १७ हजार अपांगता भएका व्यक्ति छन्। तीमध्ये करिब ५ हजार जना पूर्ण अपांगता भएका छन्।
“सीप र अवसर उपलब्ध गराउन सके अपांगता भएका व्यक्ति आत्मनिर्भर बन्न सक्छन्,” सापकोटाले भने।
केन्द्रले उत्पादित सामग्रीको बजारीकरण व्यवस्थापन गर्ने प्रतिबद्धता जनाएको छ। स्थानीय सामुदायिक वनबाट कच्चा पदार्थ जुटाउने प्रयास पनि भइरहेको छ।
घरमै गर्न सकिने सीपमा केन्द्रित यो पहलले आफ्ना परिवारका सदस्यको पूर्णकालीन हेरचाह गर्ने परिवारमाथिको आर्थिक भार घटाउनुका साथै वातावरणमैत्री उत्पादनलाई प्रवर्द्धन गर्ने लक्ष्य राखेको छ।