काठमाडौं, सेप्टेम्बर २४, २०२६ — मौसम पूर्वानुमान महाशाखाका अनुसार आज कोशी, बागमती र गण्डकी प्रदेशका केही स्थान तथा मधेश र लुम्बिनी प्रदेशका एक–दुई स्थानमा भारी वर्षाको सम्भावना रहेको छ।
कोशी र बागमती प्रदेशका पहाडी भूभागका एक–दुई स्थानमा धेरै भारी वर्षाको सम्भावना छ। मधेश प्रदेश तथा कोशी प्रदेशको तराई क्षेत्रमा केही स्थानमा हावाहुरीको सम्भावना पनि रहेको महाशाखाले जनाएको छ।
कोशी, मधेश, बागमती, गण्डकी र लुम्बिनी प्रदेशमा मौसम मुख्यतः बदली रहनेछ भने कर्णाली र सुदूरपश्चिम प्रदेशमा सामान्यतया बदली रहने पूर्वानुमान छ।
कोशी, बागमती, गण्डकी र लुम्बिनी प्रदेशका हिमाली तथा पहाडी भूभागका धेरै स्थानमा मेघगर्जन र चट्याङसहित मध्यम वर्षाको सम्भावना छ। कर्णाली र सुदूरपश्चिम प्रदेशका हिमाली तथा पहाडी भूभागका केही स्थानमा पनि मेघगर्जन र चट्याङसहित मध्यम वर्षा हुन सक्नेछ।
त्यसैगरी, मधेश प्रदेश तथा कोशी, बागमती, गण्डकी र लुम्बिनी प्रदेशका तराई भूभागका धेरै स्थानमा मेघगर्जन र चट्याङसहित मध्यम वर्षाको सम्भावना रहेको छ। सुदूरपश्चिम प्रदेशको तराई क्षेत्रमा केही स्थानमा पनि मेघगर्जन र चट्याङसहित मध्यम वर्षा हुन सक्नेछ।
महाशाखाका अनुसार हाल देशभर मनसुनी वायुको प्रभाव रहेको छ भने पश्चिमी वायुको आंशिक प्रभाव पनि रहेको छ।
चक्रवात अर्नबको अवशेष प्रणालीका कारण नेपालका विभिन्न क्षेत्रमा वर्षा र हिमपातको सम्भावना छ। महाशाखाले भारी वर्षा, पहिरो र यातायात अवरोधप्रति सतर्क रहन आग्रह गरेको छ।
३१-अक्टोबर-२०२६ १०:४३ AM
पश्चिमी वायु र चक्रवात ‘अर्नब’को प्रभावले नेपालका विभिन्न प्रदेशमा वर्षा र हिमपातको सम्भावना रहेको मौसम पूर्वानुमान महाशाखाले जनाएको छ।
२९-अक्टोबर-२०२६ ०८:३४ AM
मौसमविद् विनोद पोखरेलले बिहीबारदेखि नेपालका विभिन्न क्षेत्रमा भारी वर्षा र हिमपात हुन सक्ने बताएका छन्। वर्षाको जोखिमका कारण २९ जिल्लालाई उच्च जोखिममा राखिएको छ।
२५-अक्टोबर-२०२६ ०९:५२ AM
मनसुन प्रतिकार्य कमान्ड पोस्टले बंगालको खाडीको न्यून चापीय प्रणालीको निगरानी र तयारी बढाउने निर्णय गर्दै भोटेकोशी बाढी प्रभावित क्षेत्रमा झोलुङ्गे पुल निर्माणमा जोड दिएको छ।
२१-सेप्टेम्बर-२०२६ १०:३३ AM
मौसम विभागले तीन प्रदेशका हिमाली क्षेत्रमा बदली, केही स्थानमा हल्का वर्षा तथा हिमपात र तराईका केही क्षेत्रमा बिहान हुस्सु लाग्ने सम्भावना जनाएको छ।
१७-अक्टोबर-२०२६ १०:१३ AM
भारी वर्षापछि गण्डकीका विभिन्न जिल्लामा आएको बाढीपहिरोमा १८ जनाको मृत्यु भएको छ भने घर, सडक, पुल, विद्युत् र सञ्चार संरचनामा ठूलो क्षति पुगेको छ।
२७-सेप्टेम्बर-२०२६ १०:०० AM
यसैबीच, बंगालको खाडीमा रहेको न्यूनचापीय प्रणाली गहिरो न्यूनचापीय प्रणालीमा परिणत भएको छ। उक्त प्रणाली हाल पश्चिम-मध्य तथा आसपासको उत्तरपश्चिम बंगालको खाडीमा अवस्थित छ। यो प्रणाली आगामी दिनमा थप शक्तिशाली हुँदै पश्चिम–उत्तरपश्चिम दिशातर्फ सर्ने सम्भावना रहेको महाशाखाले जनाएको छ।