तीन वर्षीया गरिमा चौधरीको हत्या अभियोगमा पक्राउ परेका दुई जनालाई प्रहरीले सार्वजनिक गरेको छ

छवि उपलब्ध छैन

सुनसरीको कप्टानगन्जमा भएको हिंसात्मक झडपका क्रममा तीन जनाको मृत्यु सुरक्षाकर्मीले चलाएको गोलीबाट भएको सरकारी छानबिन समितिले निष्कर्ष निकालेको छ। घटनामा बाहिरी समूह वा घुसपैठकर्ताको संलग्नता रहेको आशंकालाई समितिले अस्वीकार गरेको छ। गृह मन्त्रालयका सहसचिव भूपेन्द्र थापाको संयोजकत्वमा गठित छानबिन समितिले घटनामा संलग्न तथा सम्बन्धित व्यक्तिहरूसँग बयान लिनुका साथै घटनाको विस्तृत अध्ययन गरेपछि मंगलबार मन्त्रालयमा प्रतिवेदन बुझाएको हो।

१९-अगस्ट-२०२६ १२:३७ PM

छवि उपलब्ध छैन

बाराको जीतपुरसिमरा उपमहानगरपालिका–१ बाट तीन दिनदेखि बेपत्ता तीन वर्षीया गरिमा चौधरी मंगलबार साँझ भक्तिटोलस्थित खाली घरमा मृत फेला परेकी छन्। मनोज चौधरी र मनमती चौधरीकी छोरी गरिमा आइतबार बिहान करिब साढे ८ बजेदेखि बेपत्ता थिइन्। बस्तीबाट हराएपछि परिवार र प्रहरीले उनको खोजी गरिरहेका थिए। गरिमाको शव फेला परेको घर करिब पाँच महिनादेखि खाली रहेको र उनको घरबाट करिब १५० मिटर दक्षिणतर्फ रहेको प्रहरीले जनाएको छ।

१९-अगस्ट-२०२६ १०:३८ AM

छवि उपलब्ध छैन

विद्यालयबाट घर फर्कने क्रममा नदी तर्ने क्रममा चार छात्रालाई मकवानपुरको हेटौंडा उपमहानगरपालिका–१९ स्थित बासुदेव खोलाले बगाउँदा एक जनाको मृत्यु भएको छ भने दुई जना अझै बेपत्ता छन्। एक छात्रालाई भने सकुशल उद्धार गरिएको छ। बस्तीपुरस्थित निर्मल माध्यमिक विद्यालयमा अध्ययनरत चार छात्रा विद्यालयबाट घरतर्फ जाने बाटोमा बासुदेवमा रहेको खोला तर्ने क्रममा बगेका विद्यालयका प्रधानाध्यापक प्रबोध बिडारीले प्रहरीलाई जानकारी गराएका थिए।

१९-अगस्ट-२०२६ १०:२५ AM