काठमाडौं, सेप्टेम्बर १३, २०२६ — नेपाल प्रहरीका प्रहरी महानिरीक्षक दानबहादुर कार्कीले काठमाडौंको ट्राफिक व्यवस्थापनलाई वैज्ञानिक, व्यवस्थित र प्रविधिमैत्री बनाउन एआई–सक्षम सीसीटीभीलगायत आधुनिक प्रविधिको प्रयोग बढाउनुपर्ने बताएका छन्।
आइतबार काठमाडौं महानगर प्रहरी बलको ३४औँ वार्षिकोत्सव कार्यक्रममा बोल्दै कार्कीले सवारी साधनको बीचमा जोखिम मोलेर उभिएर हात हल्लाउँदै ट्राफिक व्यवस्थापन गर्ने अवस्थालाई क्रमशः अन्त्य गर्दै प्रविधिमा आधारित प्रणाली विकास गर्नुपर्ने बताए।
उनले एआई–सक्षम सीसीटीभी जडानसँगै बस स्टप, बसपार्क, पार्किङ स्टेसन तथा समग्र ट्राफिक व्यवस्थापनलाई व्यवस्थित बनाउनुपर्नेमा जोड दिए।
काठमाडौं महानगरपालिकासँग सहकार्य गरेर फुटपाथ र पार्किङ व्यवस्थापन सुधार गर्नुका साथै आपत्कालीन उद्धार तथा प्रतिकार्य प्रणालीलाई थप प्रभावकारी बनाउनुपर्ने कार्कीको भनाइ थियो।
राजधानीको बढ्दो जनसङ्ख्या, तीव्र सहरीकरण र सवारी चापका कारण ट्राफिक व्यवस्थापनसँगै सार्वजनिक स्थानको व्यवस्थापन, फोहोरमैला, वातावरणीय चुनौती, सम्पदा संरक्षण र विपद् व्यवस्थापनमा पनि चुनौती थपिएको उनले बताए।
यी चुनौती समाधानका लागि स्थानीय तह र नेपाल प्रहरीबीच सहकार्य आवश्यक रहेको कार्कीले उल्लेख गरे।
निर्वाचन प्रहरीको पोसाक खरिदमा अनियमितताबारे छलफलका क्रममा आरएसपी सांसद खगेन्द्र सुनार र प्रहरी महानिरीक्षक दानबहादुर कार्कीबीच विवाद भएपछि सभामुख डोलप्रसाद अर्यालले संसदीय मर्यादाबारे छलफल थालेका छन्।
१४-अगस्ट-२०२६ ०६:४५ PM
खुकुरी देखाउँदै अश्लील तथा डरत्रास फैलाउने टिकटक भिडियो पोस्ट गरेको आरोपमा सिरहाको गोलबजारका २१ वर्षीय महमद आशिक अन्सारी पक्राउ परेका छन्। प्रहरीले थप अनुसन्धान गरिरहेको छ।
१५-नोभेम्बर-२०२६ १२:३६ PM
सर्लाहीको बसन्तपुरमा घरमै सुतिरहेका ७० वर्षीय शुकदेव साह र उनकी श्रीमतीमाथि अज्ञात समूहले इँटा प्रहार गर्दा दुवै जना गम्भीर घाइते भएका छन्।
१४-नोभेम्बर-२०२६ ०३:५६ PM
भक्तपुरको राधेराधेस्थित प्रजापति कम्प्लेक्सको पाँचौँ तलामा रहेको रेस्टुरेन्टमा आगलागी हुँदा लाखौँको क्षति भएको छ। घटनामा मानवीय क्षति भने भएको छैन।
१४-नोभेम्बर-२०२६ ०२:३५ PM
इलाममा खोल्सीमा मृत भेटिएकी ६६ वर्षीया जितमती लिम्बुको मृत्यु घटनामा संलग्न रहेको आरोपमा भारतबाट तिहार मनाउन फर्किएका ३२ वर्षीय त्रिभुवन भुजेल पक्राउ परेका छन्।
१४-नोभेम्बर-२०२६ १०:२६ AM
तिहारमा देउसीभैलो कार्यक्रमका क्रममा सार्वजनिक रूपमा अश्लील नृत्य गरेको आरोपमा रुपन्देहीको सिद्धार्थनगरबाट सल्यान, दाङ र गुल्मीका तीन महिला पक्राउ परेका छन्।
१३-नोभेम्बर-२०२६ १२:२९ PM
फोहोरमैला व्यवस्थापनमा उत्पादनस्थलदेखि अन्तिम व्यवस्थापन स्थलसम्म नै चुनौती रहेको बताउँदै उनले दीर्घकालीन रूपमा प्रभावकारी समाधान खोज्नुपर्ने बताए।
नेपाल प्रहरी र स्थानीय तहबीच भौतिक संरचना निर्माण तथा सुरक्षा व्यवस्थापनमा सहकार्य भइरहेको जानकारी दिँदै कार्कीले ७५३ वटै स्थानीय तहलाई नेपाल प्रहरीसँग समन्वय गर्न गृह मन्त्रालय, भूमि व्यवस्था, सहकारी तथा गरिबी निवारण मन्त्रालय र सङ्घीय मामिला तथा सामान्य प्रशासन मन्त्रालयमार्फत पत्राचार भइरहेको बताए।
स्थानीय तहले आवश्यकताअनुसार नेपाल प्रहरीलाई जग्गा तथा भवन उपलब्ध गराउने, प्रहरी कार्यालय निर्माण तथा मर्मतमा सहयोग गर्ने, सवारीसाधन र विपद् उद्धार सामग्री उपलब्ध गराउने तथा सीसीटीभी जडान र विस्तारमा सहयोग गर्नुपर्ने उनले बताए।
यस्तो सहकार्यले प्रहरी सेवा र महानगर प्रहरी सेवालाई थप प्रभावकारी रूपमा जोड्न सहयोग पुग्ने कार्कीले बताए।
नागरिकले सफा सडकमा हिँड्न पाउने तथा फुटपाथ अवरोधमुक्त रूपमा प्रयोग गर्न पाउने अधिकार सुनिश्चित गर्न काठमाडौं महानगरपालिकाले गरिरहेको कामको उनले प्रशंसा गरे। राजधानीको सहरी व्यवस्थापनमा महानगरपालिकाको कार्यसम्पादनले समग्र सहरी व्यवस्थापनको स्तरसमेत प्रतिबिम्बित गर्ने उनको भनाइ थियो।
कार्कीले भने, ‘७५३ वटै स्थानीय तहलाई गृह मन्त्रालय, भूमि व्यवस्था, सहकारी तथा सङ्घीय मामिला तथा सामान्य प्रशासन मन्त्रालयमार्फत नेपाल प्रहरीसँग भौतिक संरचना निर्माणलगायतका विषयमा सहयोग र समन्वय गर्न पत्राचार भइरहेको छ । यसै सन्दर्भमा हामीले पनि सुरक्षा संरचनालाई प्राथमिकता दिँदै सुरक्षाकर्मीको आवास, यातायात तथा आवश्यक स्रोत–साधनको व्यवस्थापनमा थप ध्यान दिन आवश्यक छ ।’
आगामी दिनमा काठमाडौं महानगरपालिका र नेपाल प्रहरीले थप योजनाका साथ संयुक्त रूपमा काम गर्नुपर्नेमा जोड दिँदै कार्कीले ट्राफिक व्यवस्थापन, फुटपाथ व्यवस्थापन तथा आपत्कालीन प्रतिकार्य प्रणालीलाई प्रविधिमैत्री र व्यवस्थित बनाउन सहकार्यलाई निरन्तरता दिने अपेक्षा व्यक्त गरे।