काठमाडौं, अक्टोबर १३, २०२६ — डिजिटल वित्तीय सेवा प्रदायक कम्पनी आइएमई खल्ती लिमिटेडले ‘नेपाल फिनटेक एक्स्पो २०२६’ मा व्यक्तिगत वित्त व्यवस्थापन, डिजिटल कनेक्टिभिटी र लगानीसम्बन्धी सेवासहित विभिन्न नयाँ प्रविधि तथा वित्तीय उत्पादन सार्वजनिक गरेको छ।
फिनटेक अलायन्स नेपालले आयोजना गरेको तीनदिने प्रदर्शनीमा कम्पनीले डिजिटल भुक्तानी सेवाका अतिरिक्त नयाँ उत्पादनहरू प्रदर्शन तथा सार्वजनिक गरेको हो।
प्रदर्शनीको पहिलो दिन आइएमई खल्तीले ‘खल्ती कार्ड्स’, ‘ई-सिम’ र ‘पर्सनल फाइनान्स च्यालेन्ज’ सार्वजनिक गरेको थियो। कम्पनीका अनुसार यी सेवाले डिजिटल भुक्तानी, दूरसञ्चार कनेक्टिभिटी तथा प्रयोगकर्ताको व्यक्तिगत खर्च र बजेट व्यवस्थापनलाई डिजिटल माध्यमसँग जोड्ने लक्ष्य राखेका छन्।
प्रदर्शनीको तेस्रो दिन कम्पनीले ‘खल्ती प्रो’, अन्तर्राष्ट्रिय भुक्तानी प्रणाली ‘स्ट्राइप’ र शेयर बजारसम्बन्धी जानकारी तथा सेवा उपलब्ध गराउने ‘खल्ती स्टक हब’ औपचारिक रूपमा सुरु गरेको थियो। कम्पनीका अनुसार यी सेवाले भुक्तानीसँगै लगानी र उन्नत वित्तीय सुविधा उपलब्ध गराउने यसको सेवा दायरा विस्तार गरेका छन्।
प्रदर्शनी अवधिभर कम्पनीले आफ्नो स्टलमार्फत सेवाग्राहीलाई नयाँ तथा पुराना सेवाका विशेषता, प्रयोग गर्ने तरिका र उपलब्ध सुविधाबारे जानकारी दिएको थियो।
