काठमाडौं, अक्टोबर ५, २०२६ — नेपाल राष्ट्र बैंकले ३० करोड थान दुई रुपैयाँका सिक्काको डिजाइन, उत्पादन, आपूर्ति तथा ढुवानीका लागि अन्तर्राष्ट्रिय बोलपत्र आह्वान गरेको छ।
राष्ट्र बैंकको मुद्रा व्यवस्थापन विभागले योग्य सुरक्षा मुद्रणसम्बन्धी कम्पनीबाट अन्तर्राष्ट्रिय प्रतिस्पर्धात्मक बोलपत्र प्रक्रियामार्फत प्रस्ताव माग गरेको हो।
इच्छुक कम्पनीले प्राविधिक र वित्तीय प्रस्ताव छुट्टाछुट्टै सिलबन्दी खाममा पेस गर्नुपर्नेछ। कम्पनीहरूले कात्तिक १७, २०८३ अर्थात् नोभेम्बर ३, २०२६ सम्म मुद्रा व्यवस्थापन विभागबाट बोलपत्रसम्बन्धी कागजात खरिद गर्न सक्नेछन्।
बोलपत्र कागजातको शुल्क २० हजार रुपैयाँ, १३१ अमेरिकी डलर वा ११५ युरो तोकिएको छ।
बोलपत्रपूर्व बैठक अक्टोबर १६, २०२६ मा काठमाडौंको थापाथलीस्थित मुद्रा व्यवस्थापन विभागको कार्यालयमा हुने तय गरिएको छ।
