काठमाडौं, अक्टोबर २७, २०२६ — केही ग्यास विक्रेताले ग्राहक तथा डिलरलाई बिक्री बिल नदिएको गुनासो आएपछि नेपाल आयल निगमले सबै एलपी ग्यास उद्योगलाई बिक्रीमा अनिवार्य रूपमा भ्याट बिल जारी हुने व्यवस्था गर्न निर्देशन दिएको छ।
निगमको एलपी ग्यास तथा हवाई इन्धन विभागले सबै ग्यास उद्योगलाई औपचारिक पत्र पठाउँदै ग्यास वितरणका प्रत्येक कारोबारमा भ्याट बिल उपलब्ध गराउने व्यवस्था सुनिश्चित गर्न भनेको हो।
निर्देशनमा भनिएको छ, “नियुक्त केही विक्रेताले ग्यास बिक्री गरेपछि बिल जारी नगरेको गुनासो आएकाले ग्यास वितरण गर्दा सबै कारोबारमा विक्रेतालाई भ्याट बिल जारी हुने व्यवस्था मिलाउन अनुरोध गरिन्छ।”
निगमका अनुसार यो व्यवस्था ग्यास बजारमा पारदर्शिता बढाउन र राजस्व चुहावट नियन्त्रण गर्न ल्याइएको हो।
निगमले निर्णय कार्यान्वयनका लागि यसअघि नै सम्बन्धित संघसंस्थासँग पत्राचार गरिसकेको जनाएको छ।
खाद्य व्यवस्था तथा व्यापार कम्पनीको ताप्लेजुङ शाखाले दुई सातामा प्रतिकिलोग्राम ११० रुपैयाँका दरले २४ हजार ८६७ किलोग्राम चिनी बिक्री गरेको छ। शाखाले दाल बिक्री पनि सुरु गरेको छ।
२७-अक्टोबर-२०२६ ०१:१४ PM
उदयपुरको कटारी नगरपालिका–४ मरुवास्थित सिद्धिचरण राजमार्गमा ब्रेक फेल भएपछि बोलेरो जीप सडकबाट करिब १० मिटर तल खस्दा चालकसहित १५ जना घाइते भएका छन्।
२६-अक्टोबर-२०२६ ०३:११ PM
झापाको शिवसताक्षीस्थित निर्माण कम्पनीमा भूमिगत डिजेल ट्यांकी विस्फोट भएर आगलागी हुँदा ३५ वर्षीय टिपर चालक घाइते भएका छन् भने ट्यांकीमा रहेको करिब ९ हजार ५०० लिटर डिजेल नष्ट भएको छ।
२६-अक्टोबर-२०२६ १०:३३ AM
सप्तरीको रामनगर कोदरकट्टीमा भारतबाट ल्याइएको १ लाख १७ हजार रुपैयाँ बराबरको पटका सहित पक्राउ परेका व्यक्तिलाई छुटाउन खोज्ने समूहले प्रहरीमाथि आक्रमण गरेको प्रहरीले जनाएको छ।
२५-अक्टोबर-२०२६ ०१:४५ PM
नेपाली नर्स तथा आमा ममता काफ्ले भट्ट सन् २०२४ जुलाईमा अमेरिकाको भर्जिनियामा बेपत्ता भएकी थिइन्। उनका श्रीमान् नरेश भट्टविरुद्ध हत्या मुद्दा चलिरहेको छ, तर शव भेटिएको छैन।
२५-अक्टोबर-२०२६ ०१:३५ PM
भोटेकोशीको बाढीले स्याफ्रुबेसी र धुन्चे जोड्ने पक्की पुल बगाएपछि रसुवामा नयाँ बेलिब्रिज निर्माण तीव्र पारिएको छ। अधिकारीहरूले तिहारअघि पुल सञ्चालन गर्ने लक्ष्य राखेका छन्।
२५-अक्टोबर-२०२६ ११:३६ AM