सप्तरी, अक्टोबर २५, २०२६ — सप्तरीको बलान बिहुल गाउँपालिका–५ स्थित नेपाल–भारत सीमा क्षेत्र रामनगर कोदरकट्टीमा पटका तस्करीको आरोपमा पक्राउ परेका व्यक्तिलाई छुटाउन खोज्ने समूहले प्रहरी चौकीका इन्चार्ज असई प्रदीपकुमार बिष्टमाथि आक्रमण गरेको छ।
सप्तरी प्रहरीले दिएको जानकारीअनुसार शनिबार साँझ भारतबाट विस्फोटक पदार्थअन्तर्गत पर्ने पटका ल्याउँदै गरेका बोदेबरसाईन नगरपालिका–३ का रामदुलार यादवलाई प्रहरीले नियन्त्रणमा लिएको थियो। यादवलाई छुटाउन पुगेको समूहले प्रहरीमाथि आक्रमण गरेको प्रहरीले जनाएको छ।
प्रहरीले यादवको साथबाट करिब १ लाख १७ हजार रुपैयाँ बराबरको पटका बरामद गरेको छ।
जिल्ला प्रहरी कार्यालय सप्तरीका प्रमुख प्रहरी उपरीक्षक रूपक खड्काका अनुसार पक्राउ परेका यादवलाई थप अनुसन्धानका लागि इलाका प्रहरी कार्यालय कडबोनामा राखिएको छ।
घटनामा संलग्न रहेको आरोप लागेका देवकुमार यादवसहित अन्य व्यक्तिको खोजी भइरहेको खड्काले बताए। घटनामा संलग्न व्यक्तिको पहिचान र पक्राउका लागि प्रहरी परिचालन गरिएको र दोषी ठहरिने कसैले पनि उन्मुक्ति नपाउने उनले बताए।
यसअघि पनि सोही प्रहरी चौकीमा तस्करीसँग सम्बन्धित विषयलाई लिएर प्रहरीमाथि आक्रमण भएको थियो। यसै वर्षको असारमा उक्त चौकीका तत्कालीन इन्चार्ज असई रामकुमार यादवलाई तस्करीमा संलग्न रहेको आशंका गरिएको समूहले कुटपिट गरेको थियो।
धनुषामा रिनादेवी यादव घाँटीमा घाउ भएको अवस्थामा मृत फेला परेकी छन् भने उनका श्रीमान् उमेश यादव पनि रुखमा झुन्डिएको अवस्थामा मृत भेटिएका छन्। प्रहरीले अनुसन्धान गरिरहेको छ।
२५-अक्टोबर-२०२६ १०:१८ AM
चितवनमा साउनदेखि असोज मसान्तसम्म ३ हजार ६२ जनाले वंशजका आधारमा नागरिकता पाए। यस अवधिमा नागरिकताको प्रतिलिपि, राष्ट्रिय परिचयपत्र, राहदानी र अन्य प्रशासनिक सेवा पनि प्रदान गरियो।
२५-अक्टोबर-२०२६ १०:०६ AM
आर्थिक वर्ष २०२५/२६ मा कर्णालीका १० जिल्लामध्ये सुर्खेतमा सडक दुर्घटनाबाट सबैभन्दा बढी ३७ जनाको मृत्यु र १,१९५ जना घाइते भएको प्रदेश प्रहरीको तथ्यांकले देखाएको छ।
२५-अक्टोबर-२०२६ ०९:५८ AM
म्याग्दीको बेनी–दरबाङ–मुना सडक बाढी, पहिरो र नदी कटानले क्षतिग्रस्त भएपछि पुनर्निर्माण गर्न ७ करोड रुपैयाँ लाग्ने अनुमान गरिएको छ। यातायातका लागि वैकल्पिक मार्ग प्रयोग भइरहेको छ।
२४-अक्टोबर-२०२६ १०:१२ AM
विश्व भोकमरी सूचकांक २०२६ मा नेपाल १४.५ अंकसहित १२२ देशमध्ये संयुक्त ७२औँ स्थानमा रह्यो। नेपाल भारत, बंगलादेश, पाकिस्तान र अफगानिस्तानभन्दा अगाडि छ।
२३-अक्टोबर-२०२६ १२:५३ PM
पीएचपीमा दुई गम्भीर सुरक्षा कमजोरी फेला परेपछि नेपालका अधिकांश सरकारी वेबसाइट अफलाइन गरिएका छन्। अधिकारीहरूले तथ्याङ्क सुरक्षालाई प्राथमिकता दिँदै सुरक्षा सूचना जारी गर्ने तयारी गरेका छन्।
२२-अक्टोबर-२०२६ ०३:४२ PM