पोखरा, सेप्टेम्बर १५, २०२६ — यूएईमा आधारित विमान सेवा कम्पनी फ्लाईदुबईले सेप्टेम्बर २३ देखि पोखरा र दुबईबीच सिधा उडान सुरु गर्ने भएको छ। यससँगै पोखरा अन्तर्राष्ट्रिय विमानस्थलबाट नियमित अन्तर्राष्ट्रिय यात्रुवाहक उडान सञ्चालन हुने अपेक्षा गरिएको छ।
फ्लाईदुबईले सार्वजनिक गरेको उडान तालिकाअनुसार पहिलो उडानको विमान सेप्टेम्बर २३ मा साँझ ६:१५ बजे पोखरा अन्तर्राष्ट्रिय विमानस्थलमा अवतरण गर्नेछ। यात्रुहरू ओरालिसकेपछि नयाँ यात्रु चढाएर विमान साँझ ७:१५ बजे दुबईका लागि प्रस्थान गर्नेछ।
त्रिभुवन अन्तर्राष्ट्रिय विमानस्थलका सूचना अधिकारी विनोद सिंह रावतका अनुसार फ्लाईदुबईले पोखरा–दुबई रुटमा एयरबस ए३१९ वा ए३२० विमान सञ्चालन गर्नेछ।
उनका अनुसार एयरबस ए३१९ मा करिब १४० देखि १५० यात्रु र ए३२० मा करिब १६० देखि १८० यात्रु अट्ने क्षमता हुन्छ। यात्रुको मागअनुसार फ्लाईदुबईले पोखरा रुटमा यी दुईमध्ये फरक–फरक विमान सञ्चालन गर्ने रावतले बताए।
“पहिलो उडानमा पोखरा आउने यात्रुको संख्या उल्लेख्य हुनेछ। दुबई फर्किने उडानमा यात्रुसँगै कार्गो पनि लैजाने भएकाले आगमनतर्फ पनि उल्लेख्य यात्रु हुनेछन्,” रावतले भने।
नेपाल नागरिक उड्डयन प्राधिकरणले मे महिनाको अन्तिम साता फ्लाईदुबईलाई दुबई–पोखरा–दुबई रुटमा उडान सञ्चालन गर्न अनुमति दिएको थियो। फ्लाईदुबईका अनुसार पोखराबाट हुने उडानको भाडा काठमाडौं विमानस्थलबाट हुने उडानको तुलनामा बढीमा ५ हजार रुपैयाँसम्म सस्तो पर्न सक्छ।
फेरिचेमा दुई हेलिकप्टर ठोक्किएर एक जनाको मृत्यु भएपछि नेपाल नागरिक उड्डयन प्राधिकरणले घटनाको कारण र सम्भावित कारक अध्ययन गर्न पाँच सदस्यीय समिति गठन गरेको छ।
०४-नोभेम्बर-२०२६ ०२:५८ PM
पोखरा महानगरपालिका–२६ स्थित औषधि पसलबाट कोडिनसहित चार प्रकारका ७ हजार १६० चक्की बरामद भएपछि प्रहरीले २९ वर्षीया सञ्चालिका अमिसा ढुङ्गानालाई पक्राउ गरेको छ।
२४-अक्टोबर-२०२६ १२:१६ PM
वीरेठाँटी–घान्द्रुक सडक खुलेपछि घान्द्रुकमा पर्यटक आउन थालेका छन्। बाढीपहिरो र निरन्तर वर्षाका कारण प्रभावित पर्यटन व्यवसाय सडक र मौसम खुलेसँगै विस्तारै चलायमान हुँदै गएको छ।
०६-अक्टोबर-२०२६ १२:३० PM
अमेरिकी राष्ट्रपति डोनाल्ड ट्रम्पले दुबई–तेल अभिभ फ्लाईदुबई उडानमा ओमानी सहपाइलटले गरेको असफल आक्रमणमा इरान जिम्मेवार रहेको आफूलाई व्यक्तिगत रूपमा लागेको बताएका छन्।
०६-अक्टोबर-२०२६ १०:०८ AM
अमेरिकी राष्ट्रपति डोनाल्ड ट्रम्पले फ्लाईदुबई FZ1073 घटनामा संलग्न सह-पाइलटको इरानसँग सम्भावित सम्बन्ध रहेको प्रारम्भिक सूचना पाएको बताएपछि अनुसन्धान जारी रहेको छ।
०२-अक्टोबर-२०२६ ०६:१४ PM
सहपाइलटको आक्रमणपछि घाइते भएका फ्लाईदुबईका भारतीय पाइलट स्मित मच्छरले ककपिटको ढोका खोलेर अन्यलाई हस्तक्षेप गर्न दिएको र यात्रुको ज्यान जोगाउन प्रयास गरेको बताएका छन्।
०२-अक्टोबर-२०२६ ०४:०६ PM
फ्लाईदुबईले हाल विश्वका १२० भन्दा बढी गन्तव्यमा प्रत्यक्ष उडान सञ्चालन गर्दै आएको छ। पोखराबाट सेवा सुरु भएपछि पश्चिम नेपालका यात्रुलाई दुबई हुँदै विभिन्न अन्तर्राष्ट्रिय गन्तव्यमा पुग्न सहज हुने अपेक्षा गरिएको छ।
पोखरा–दुबई सेवा फ्लाईदुबई र एमिरेट्सबीचको रणनीतिक कोडसेयर साझेदारीअन्तर्गत सञ्चालन हुनेछ। उक्त साझेदारीमार्फत पोखराबाट अस्ट्रेलिया, युरोप र उत्तर अमेरिकाका विभिन्न शहरसम्म जाने यात्रुले एउटै टिकटमा अन्तिम गन्तव्यसम्मको यात्रा बुक गर्न सक्नेछन्।
सरकारले आर्थिक वर्ष २०२६/२७ को नीति तथा कार्यक्रममा पोखरा अन्तर्राष्ट्रिय विमानस्थलमा अन्तर्राष्ट्रिय वायुसेवा कम्पनी आकर्षित गर्न कूटनीतिक पहल गर्ने उल्लेख गरेको थियो। त्यसको केही समयपछि फ्लाईदुबईले पोखरामा उडान सञ्चालनको अनुमति प्राप्त गरेको हो।
फ्लाईदुबईले मे महिनामा नेपालको प्रमुख पर्यटकीय गन्तव्य पोखरामा सिधा उडान सञ्चालनको सम्भावनाबारे विस्तृत अध्ययनसमेत गरेको थियो।
पोखरा अन्तर्राष्ट्रिय विमानस्थल करिब २२ अर्ब रुपैयाँको ऋण लगानीमा निर्माण भएको हो। विमानस्थलको औपचारिक उद्घाटन २०२३ जनवरी १ मा गरिएको थियो। तर सञ्चालनमा आएको लामो समय बितिसक्दा पनि यसको अन्तर्राष्ट्रिय उडान सेवा सीमित रहँदै आएको छ र विमानस्थल मुख्यतः आन्तरिक उडानमै निर्भर छ।
फ्लाईदुबईको दुबई सेवा सुरु भएपछि पोखरा अन्तर्राष्ट्रिय विमानस्थलको अन्तर्राष्ट्रिय हवाई सम्पर्क विस्तार हुनुका साथै पोखरा तथा आसपासका क्षेत्रका यात्रुलाई दुबई र त्यहाँबाट अन्य अन्तर्राष्ट्रिय गन्तव्यसम्म पुग्न प्रत्यक्ष तथा सहज विकल्प उपलब्ध हुने अपेक्षा गरिएको छ।