वासिङ्टन, अमेरिका, ९ सेप्टेम्बर २०२६ — सिंगापुरका एक युवकले अमेरिकामा करिब २४ करोड ५० लाख अमेरिकी डलर बराबरको बिटक्वाइन चोरी तथा त्यसबाट प्राप्त रकम शुद्धीकरणसँग सम्बन्धित संगठित अपराधको षड्यन्त्रमा संलग्न भएको आरोपमा दोष स्वीकार गरेका छन्।
२२ वर्षीय मालोन लामले अन्य व्यक्तिसँग मिलेर ठूलो परिमाणमा क्रिप्टोकरेन्सी चोरी गरी त्यसबाट प्राप्त रकम शुद्धीकरण गरेको स्वीकार गरेको अमेरिकी न्याय विभागले जनाएको छ।
लामलाई अधिकतम २० वर्षसम्मको जेल सजाय हुन सक्नेछ। अमेरिकी जिल्ला अदालतकी न्यायाधीश कोलिन कोलार–कोटेलीले उनको सजाय निर्धारणका लागि तत्काल मिति तोकेकी छैनन्।
अमेरिकी अधिकारीहरूले लामलाई पीडितलाई विभिन्न माध्यमबाट झुक्याएर उनीहरूको क्रिप्टोकरेन्सी वालेटमा पहुँच प्राप्त गर्ने अन्तर्राष्ट्रिय आपराधिक समूहको मुख्य योजनाकारका रूपमा चित्रण गरेका छन्।
अदालतका कागजातअनुसार यो षड्यन्त्र कम्तीमा अक्टोबर २०२३ देखि सुरु भएर मे २०२५ सम्म जारी रहेको थियो। उक्त समूहमा अमेरिकाका विभिन्न राज्य तथा विदेशका व्यक्तिहरू संलग्न थिए। उनीहरू अनलाइन गेमिङ प्लेटफर्ममार्फत एकअर्कासँग परिचित भएको अमेरिकी न्याय विभागले जनाएको छ।
विभागका अनुसार लामले सम्भावित पीडितको पहिचान गर्ने र आपराधिक समूहका अन्य सदस्यहरूको भूमिका समन्वय गर्ने काम गर्थे। गोप्य तथा व्यक्तिगत जानकारी प्राप्त गर्न पीडितलाई झुक्याउने र केही घटनामा आवश्यक विवरण हात पार्न घरमा चोरीसमेत गरिएको आरोप छ।
नक्कली टिकटक आईडी बनाएर स्थानीय व्यक्तिका फोटो तथा भिडियो अश्लील गीतमा जोडेर प्रसारण गरेको आरोपमा सिरहाबाट २३ वर्षीय सञ्जयकुमार यादव पक्राउ परेका छन्।
३०-अक्टोबर-२०२६ ११:२० AM
खल्तीका कर्मचारी भएको भन्दै फोन र ह्वाट्सएपमार्फत ठगी गरेको आरोपमा भक्तपुरबाट चार जना पक्राउ परेका छन्। उनीहरूले स्क्रिन सेयर र ओटीपीमार्फत बैंक खातामा पहुँच बनाएको आरोप छ।
२७-अक्टोबर-२०२६ ०१:४० PM
दक्षिणी क्यालिफोर्नियामा तीव्र गतिमा फैलिएको डढेलोले कम्तीमा ६ घरमा क्षति पुर्याएको छ। तीव्र हावा र तातो, सुक्खा मौसमका कारण विभिन्न क्षेत्रमा उद्धार तथा आगो नियन्त्रण कार्य जारी छ।
१७-अक्टोबर-२०२६ १०:०४ AM
अमेरिकाको ओरेगनस्थित बेन्डको सिल्भर रेल प्राथमिक विद्यालयमा १६ वर्षीय किशोरले गोली चलाउँदा तीन बालबालिका र शिक्षकको मृत्यु भयो। समुदायका एक व्यक्तिले किशोरलाई गोली हानेर मारे।
१६-अक्टोबर-२०२६ १०:१४ AM
ताइवानले चीनसँगको तनावबीच हवाई रक्षा क्षमता बढाउँदै ८ अर्ब डलरको सम्झौताअन्तर्गत पहिलो दुई अमेरिकी एफ–१६भी लडाकु विमान प्राप्त गरेको छ र थप हतियार प्याकेजको स्वीकृति पर्खिरहेको छ।
०२-अक्टोबर-२०२६ ०६:२५ PM
सेप्टेम्बर २०२६ मा नेपालमा ८८ हजार २४८ विदेशी पर्यटक आएका छन्, जुन गत वर्षको तुलनामा १२.१ प्रतिशत बढी हो। दक्षिण एसिया र चीनबाट आगमन बढ्दा युरोप र ओसिनियाबाट घटेको छ।
०१-अक्टोबर-२०२६ ०५:१९ PM
त्यसरी प्राप्त जानकारी प्रयोग गरेर पीडितका क्रिप्टोकरेन्सी वालेटबाट रकम निकालिएको अमेरिकी अधिकारीहरूको आरोप छ।
चोरी गरिएको क्रिप्टोकरेन्सीबाट प्राप्त रकमलाई विभिन्न माध्यमबाट शुद्धीकरण गरी विलासी सामान, यात्रा तथा मनोरञ्जनमा खर्च गरिएको अभियोजन पक्षले जनाएको छ।
अमेरिकी न्याय विभागका अनुसार समूहका सदस्यहरूले एक पटक नाइटक्लब जाँदा पाँच लाख अमेरिकी डलरसम्म खर्च गर्ने गरेका थिए। उनीहरूले ३० भन्दा बढी महँगा तथा विलासी कारसमेत किनेका थिए, जसको मूल्य करिब एक लाखदेखि ३८ लाख अमेरिकी डलरसम्म रहेको बताइएको छ।
चोरीको रकम पाँच लाख अमेरिकी डलरसम्म मूल्य पर्ने महँगा घडी, हजारौँ डलर मूल्यका विलासी लुगा, लस एन्जलस, ह्याम्पटन र मियामीका महँगा भाडाका घर, निजी जेट यात्रा तथा निजी सुरक्षाकर्मीमा समेत खर्च गरिएको अमेरिकी न्याय विभागले जनाएको छ।
उक्त रकमबाट दशौँ हजार डलर मूल्यका हर्मेस बर्किन ह्यान्डब्यागसमेत खरिद गरिएको र तीमध्ये केही नाइटक्लबमा आयोजित पार्टीका क्रममा भीडतर्फ फ्याँकिएको आरोप छ।
लाममाथि ‘एनी ह्याथवे’, ‘डलर डलर डलर’ र ‘किङ ग्रेभी’ लगायतका उपनाम प्रयोग गरेको आरोप पनि लगाइएको छ। आफ्नो विलासी जीवनशैलीका कारण उनी लस एन्जलस र मियामीका नाइटक्लब क्षेत्रमा चर्चित बनेको बताइएको छ।
अनुसन्धानकर्ताका अनुसार लामले १४ वर्षको उमेरमा सिंगापुरमै माध्यमिक शिक्षा छाडेका थिए। उनी अक्टोबर २०२३ मा अमेरिका पुगेका थिए र जनवरी २०२४ मा भिसाको म्याद सकिएपछि पनि अमेरिकामै बसेका थिए।
एफबीआई एजेन्टहरूले सेप्टेम्बर २०२४ मा लाम र उनका एक सहयोगीलाई पक्राउ गरेका थिए। त्यसपछि उक्त आपराधिक नेटवर्कमाथि अनुसन्धान अघि बढ्दै अन्ततः समूहलाई ध्वस्त पारिएको अमेरिकी अधिकारीहरूले बताएका छन्।
अमेरिकी अधिवक्ता जिनिन पिर्रोले यो मुद्दाले ठूला साइबर अपराध सञ्जालविरुद्ध कारबाही गर्ने अमेरिकी सरकारको प्रतिबद्धता देखाएको बताइन्।
‘यदि तपाईंले साइबर अपराधको साम्राज्य निर्माण गर्नुहुन्छ भने हामी तपाईंलाई खोज्नेछौँ, तपाईंको सञ्जाल ध्वस्त पार्नेछौँ र कानुनी रूपमा जवाफदेही बनाउनेछौँ,’ उनले भनिन्।
लामका एक सहयोगी इभान ट्याङ्गेमनलाई यसै वर्ष अप्रिलमा उक्त योजनाबाट प्राप्त रकम शुद्धीकरण गरेको अभियोगमा ७० महिनाको जेल सजाय सुनाइएको थियो। अमेरिकी न्याय विभागका अनुसार ट्याङ्गेमनले लाम पक्राउ परेपछि प्रमाण नष्ट गर्ने प्रयाससमेत गरेका थिए।