अल अमारात, ओमान, अक्टोबर ११, २०२६ — आईसीसी पुरुष क्रिकेट विश्वकप लिग–२ अन्तर्गत ओमानको अल अमारातमा जारी खेलमा नेपालले क्यानडासामु २३६ रनको लक्ष्य प्रस्तुत गरेको छ। टस हारेर पहिले ब्याटिङ गरेको नेपाल ५० ओभरमा २३५ रन बनाउँदै अलआउट भयो।
नेपालका कप्तान रोहित पौडेलले शतकीय इनिङ्स खेल्दै टोलीको स्कोर उकासे। उनले १२६ बलमा ८ चौका र १ छक्कासहित १०१ रन बनाए।
गुलशन झाले ४८ रन, बशिर अहमदले ३० रन र अर्जुन कुमालले २३ रनको योगदान दिए।
क्यानडाका लागि अखिल कुमारले सर्वाधिक ४ विकेट लिए। सुखजिन्दर सिंहले ३ विकेट लिए भने जाहिद मिर्जाले २ विकेट हात पारे।
अब क्यानडाले जितका लागि २३६ रन बनाउनुपर्नेछ।
