काठमाडौं, नोभेम्बर ९, २०२६ — नेपाल प्रिमियर लिग (एनपीएल) २०२६ मा पोखरा एभेन्जर्सले सोमबार कर्णाली याक्सलाई ६३ रनले पराजित गर्दै प्रतियोगितामा पहिलो जित दर्ता गरेको छ। कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको १९औँ खेलमा पोखराले दिएको २१८ रनको लक्ष्य पछ्याएको कर्णाली १८.३ ओभरमा १५४ रनमा समेटियो।
यस जितसँगै पोखराले लगातार चार खेलमा भोगेको हारको शृङ्खला पनि अन्त्य गरेको छ।
लक्ष्य पछ्याउने क्रममा कर्णालीले नियमित अन्तरालमा विकेट गुमाएको थियो। उसका लागि पवन सर्राफले सर्वाधिक ३२ रन बनाए। अरिफुल इस्लामले २४ र दीपक डुम्रेले २२ रनको योगदान दिए।
पोखराका मेहेदी हसनले तीन विकेट लिए। धनञ्जय लक्षण, कुशल भुर्तेल र विपिन खत्रीले समान दुई-दुई विकेट हात पार्दै कर्णालीको ब्याटिङलाई रोक्न महत्त्वपूर्ण भूमिका खेले।
यसअघि टस जितेर पहिले ब्याटिङ गरेको पोखराले निर्धारित २० ओभरमा तीन विकेट गुमाएर २१७ रन बनाएको थियो।
पोखराका लागि युवराज सामराले उत्कृष्ट ब्याटिङ गर्दै ४८ बलमा १० चौका र ६ छक्कासहित १०२ रन बनाए। उनको शतक जारी एनपीएल सिजनको पहिलो शतकसमेत हो।
एनपीएलमा लुम्बिनी लायन्सले जनकपुर बोल्ट्सलाई १६ रनले हराउँदै अपराजित यात्रा कायम राखेको छ। चार खेलबाट सात अंक जोडेको लुम्बिनी अंकतालिकाको शीर्ष स्थानमा छ।
०५-नोभेम्बर-२०२६ ०४:४९ PM
दक्षिण अफ्रिकी ब्याटर डेभिड मिलर तेस्रो एनपीएल खेल्न कर्णाली याक्समा आबद्ध हुन नेपाल आइपुगेका छन्। उनले शुक्रबार सुदूरपश्चिम रोयल्सविरुद्ध खेल्ने अपेक्षा गरिएको छ।
०४-नोभेम्बर-२०२६ १२:४९ PM
एनपीएलमा आज विराटनगर र जनकपुरबीच दिउँसो १२:३० बजे तथा लुम्बिनी र पोखराबीच ४:३० बजे खेल हुँदैछन्। पोखरा पहिलो जितको खोजीमा हुनेछ।
०३-नोभेम्बर-२०२६ ०९:५६ AM
एनपीएलमा काठमाडौं गोर्खाजले कर्णाली याक्सले दिएको १८१ रनको लक्ष्य १९.४ ओभरमा चार विकेट गुमाएर पूरा गर्दै ६ विकेटको जित निकालेको छ।
०२-नोभेम्बर-२०२६ ०४:५७ PM
एनपीएलमा सोमबार काठमाडौं गुर्खाज र कर्णाली याक्स दिउँसो १२:३० बजे खेल्दैछन्। दोस्रो खेलमा सुदूरपश्चिम रोयल्स र चितवन राइनोज साँझ ५ बजे भिड्नेछन्।
०२-नोभेम्बर-२०२६ १०:१२ AM
एनपीएलमा आइतबार जनकपुर बोल्ट्सले पोखरा एभेन्जर्ससँग खेल्दैछ। शनिबार विराटनगर किंग्सले पहिलो जित निकाल्दा चितवन राइनोज र लुम्बिनी लायन्सबीचको खेल वर्षाका कारण रद्द भएको थियो।
०१-नोभेम्बर-२०२६ १२:०२ PM
कुशल भुर्तेलले ३९ बलमा ६२ रन बनाएर सामरालाई राम्रो साथ दिए। कप्तान चमिका करुणारत्नेले आक्रामक ब्याटिङ गर्दै ११ बलमा अविजित ३५ रन जोडे।
सामरा र भुर्तेलको उत्कृष्ट साझेदारीले पोखरालाई ठूलो योगफलतर्फ अघि बढाएको थियो। त्यसपछि करुणारत्नेको आक्रामक अन्तिम ब्याटिङले टोलीलाई २०० रनको आँकडा पार गरायो।
प्रतियोगिताको सुरुवाती चार खेलमा लगातार पराजित भएको पोखराका लागि यो जित महत्त्वपूर्ण बनेको छ। अर्कोतर्फ कर्णाली याक्स पाँच खेलबाट चार अंकसहित अंकतालिकामा रहेको छ।