काठमाडौं, ६ सेप्टेम्बर २०२६ — नेपाली कांग्रेसका सभापति गगन थापा र पार्टी नेता शेखर कोइरालाबीच आइतबार काठमाडौंमा भेटवार्ता भएको छ। भेटमा नेपाली कांग्रेसभित्र देखिएका आन्तरिक विषय, पार्टी एकता र बाढी प्रभावित जिल्लाको पछिल्लो अवस्थाबारे छलफल भएको छ।
भेटमा कांग्रेसभित्र हाल देखिएका आन्तरिक असमझदारी समाधान गर्दै पार्टीलाई थप एकताबद्ध बनाउने विषयमा छलफल भएको बताइएको छ।
कोइरालाले देश, लोकतन्त्र र राष्ट्रियता कठिन परिस्थितिबाट गुज्रिरहेको उल्लेख गर्दै नेपाली कांग्रेस एकताबद्ध भएर अघि बढ्नुको विकल्प नभएको बताएका छन्।
पार्टी एकताका लागि आफ्नो तर्फबाट आवश्यक त्याग गर्न आफू तयार रहेको पनि उनले स्पष्ट पारेका छन्।
जवाफमा सभापति थापाले पनि पार्टी एकताको पक्षमा आफू रहेको बताएका छन्।
दुई नेताबीच पार्टीभित्र हाल देखिएका असमझदारी र त्यसको सम्भावित समाधानका विषयमा समेत छलफल भएको बताइएको छ।
भेटमा गत भदौ १० गते रसुवाको नेपाल–चीन सीमा क्षेत्रबाट आएको विनाशकारी बाढीपछि रसुवा, नुवाकोट र धादिङको पछिल्लो अवस्थाबारे पनि चर्चा भएको छ।
नेपालमा भोटेकोशी बाढीबाट मृत्यु हुनेको संख्या १७७ पुगेको छ। प्रहरीका अनुसार विभिन्न जिल्लाबाट फेला परेका शवमध्ये ५० जनाको पहिचान हुन बाँकी रहेको छ। खोजी तथा पहिचान कार्य जारी छ।
२७-अगस्ट-२०२६ ०१:२४ PM
भोटेकोसी र त्रिशूली बाढीबाट मृत्यु हुनेको संख्या ९५ पुगेको छ। ८५ सुरक्षाकर्मी, ६० जलविद्युत् कर्मचारी र ४८४ पर्यटक सम्पर्कविहीन छन् भने १९ पुल क्षतिग्रस्त भएका छन्।
२६-अगस्ट-२०२६ ०६:३३ PM
रसुवाको भोटेकोसी बाढीपछि २६ जना प्रहरी सम्पर्कविहीन भएका छन्। उद्धारका क्रममा नुवाकोट र धादिङबाट ८ शव फेला परेका छन् भने बस्ती, पुल र सडकमा क्षति पुगेको छ।
२६-अगस्ट-२०२६ ०३:३३ PM
रसुवाको भीषण बाढी स्थानीय वर्षाका कारण आएको सम्भावना कम देखिएपछि तिब्बततर्फ हिमताल विस्फोट वा जलसंरचना भत्किएको आशंकामा अनुसन्धान जारी छ। बाढीको वास्तविक कारण पुष्टि भएको छैन।
२६-अगस्ट-२०२६ १२:५२ PM
तिब्बततर्फबाट बुधबार बिहान करिब ९ बजे भोटेकोशीमा एक्कासि ठूलो बाढी आएपछि उत्तरी रसुवामा क्षति पुगेको छ। त्रिशूली तटीय क्षेत्रमा मुग्लिनसम्म उच्च सतर्कता अपनाउन आग्रह गरिएको छ।
२६-अगस्ट-२०२६ १०:५५ AM
कांग्रेस सभापति गगन थापाले आर्थिक अनियमितताको आरोप अस्वीकार गर्दै इनाम सापकोटासँग जोडिएको अडियोको निष्पक्ष छानबिन मागेका छन्। ओलीसँगको भेट औपचारिक भएको उनको भनाइ छ।
०५-नोभेम्बर-२०२६ ०४:५२ PM
बाढीबाट प्रभावित क्षेत्रमा ठूलो जनधनको क्षति भएपछि खोज तथा उद्धार, राहत र पुनःस्थापनाका कामहरू जारी छन्।
देशमा देखिएको राजनीतिक तथा राष्ट्रिय चुनौतीका बीच कांग्रेसभित्र एकता कायम गर्ने विषयमा दुई प्रमुख नेताबीच भएको यो भेटलाई अर्थपूर्ण रूपमा हेरिएको छ।