काठमाडौं, सेप्टेम्बर १५, २०२६ — पुँजी बजारलाई पुनरुत्थान र सुदृढ बनाउने सरकारको २१ बुँदे कार्ययोजना सार्वजनिक भएको भोलिपल्ट मंगलबार नेपालको सेयर बजारमा उल्लेख्य सुधार देखिएको छ। नेपाल स्टक एक्सचेन्ज (नेप्से) परिसूचक ४८.५७ अंकले बढेको छ भने दैनिक कारोबार रकम करिब दुई महिनायताकै उच्च पुगेको छ।
मंगलबार नेप्से परिसूचक २,६३३.६२ अंकमा पुगेर बन्द भएको हो। कारोबार भएका सबै उपसूचक बढेका छन्।
सबैभन्दा धेरै वृद्धि निर्जीवन बीमा उपसूचकमा देखिएको छ। उक्त उपसूचक २.८५ प्रतिशतले बढेको छ। जीवन बीमा उपसूचक २.६० प्रतिशत र लगानी उपसूचक २.५२ प्रतिशतले बढेका छन्।
मंगलबार २६५ कम्पनीको सेयर मूल्य बढ्दा १२ कम्पनीको मूल्य घटेको छ। धौलागिरी लघुवित्त वित्तीय संस्था सकारात्मक सर्किट लेभलमा पुगेको छ।
कारोबार गतिविधिमा पनि उल्लेख्य सुधार आएको छ। पछिल्ला दिनमा दैनिक कारोबार रकम ४ अर्ब रुपैयाँभन्दा तल सीमित हुँदै आएकोमा मंगलबार ८ अर्ब २९ करोड रुपैयाँ बराबरको सेयर कारोबार भएको छ।
यो करिब दुई महिनायताकै उच्च दैनिक कारोबार हो। यसअघि जुन १४ मा ८ अर्ब ४१ करोड रुपैयाँ बराबरको सेयर कारोबार भएको थियो।
नेपालमा डिम्याट खाताको संख्या ८० लाख ९८ हजार पुगेको छ। १९ देखि ३० वर्ष उमेर समूहको सहभागिता सबैभन्दा धेरै छ भने महिलाको हिस्सा ४२.६७ प्रतिशत छ।
२६-अक्टोबर-२०२६ १२:३४ PM
दशैंअघि शुक्रबार नेप्से १७.१५ अंकले बढेर २,५९१.८० विन्दुमा बन्द भएको छ। कारोबार रकम ४ अर्ब ८४ करोड रुपैयाँ पुगेको छ भने सबै १३ उपसमूह बढेका छन्।
०९-अक्टोबर-२०२६ ०६:२३ PM
नेप्से परिसूचक बुधबार ६.३८ अंकले घटेर २,५७२.३४ विन्दुमा पुगेको छ। १३ मध्ये १२ उपसूचक घट्दा दैनिक कारोबार रकम ३ अर्ब ७४ करोड ८० लाख पुगेको छ।
०७-अक्टोबर-२०२६ ०५:२९ PM
नेप्से परिसूचक सोमबार २०.४८ अंकले घटेर २,५६६.७६ विन्दुमा झरेको छ। कारोबार रकम ३ अर्ब २७ करोड रुपैयाँमा सीमित हुँदा अधिकांश उपसमूहगत परिसूचक घटेका छन्।
०५-अक्टोबर-२०२६ ०४:५२ PM
बुधबार नेप्से परिसूचक ३६.२५ अंकले घटेर २,६१८.०३ विन्दुमा झरेको छ। २५३ कम्पनीको सेयर मूल्य घट्दा ५७ हजार ९४७ कारोबारमा ६ अर्ब ३५ करोड रुपैयाँको कारोबार भयो।
२३-सेप्टेम्बर-२०२६ ०४:१६ PM
नेप्से मंगलबार ५.३० अंकले घटेर २,५९४.२७ विन्दुमा बन्द भएको छ। लगातार तेस्रो दिन बजार घट्दा कारोबार रकम बढेर ४ अर्ब १० करोड रुपैयाँ पुगेको छ।
२५-अगस्ट-२०२६ ०५:५१ PM
कारोबार रकमका आधारमा रिलायन्स स्पिनिङ मिल्स अगाडि रह्यो। कम्पनीको ३२ करोड ७० लाख रुपैयाँ बराबरको कारोबार भएको छ। त्यसपछि शिवम् सिमेन्टको ३१ करोड ५६ लाख रुपैयाँ बराबरको कारोबार भएको छ।
अर्थमन्त्री डा. स्वर्णिम वाग्लेले सोमबार पुँजी बजार सुदृढीकरण तथा पुनरुत्थानका लागि २१ बुँदे कार्ययोजना सार्वजनिक गरेका थिए। नयाँ सरकार गठन भएयता नेप्से परिसूचक ३७६ अंकले घटेको अवस्थामा सरकारले उक्त योजना अघि सारेको हो।
कार्ययोजनाको प्रमुख प्रस्तावमध्ये सेयर कारोबारमा लाग्ने पुँजीगत लाभकर ५० प्रतिशतले घटाउने विषय पनि रहेको छ। चालु आर्थिक वर्षको बजेटमार्फत एक वर्षभन्दा कम समय राखिएका सेयरबाट हुने लाभमा लाग्ने पुँजीगत लाभकर ७.५ प्रतिशतबाट बढाएर १० प्रतिशत पुर्याइएको थियो। नयाँ योजनाले उक्त दरलाई घटाएर ५ प्रतिशत कायम गर्ने प्रस्ताव गरेको छ।
एक वर्षभन्दा बढी समय सेयर राख्ने लगानीकर्ताका लागि पुँजीगत लाभकर ३.७५ प्रतिशतमा झार्ने प्रस्ताव गरिएको छ।
त्यस्तै, सेयर लगानीबाट भएको नोक्सानीलाई लगानीकर्ताले समायोजन गर्न पाउने व्यवस्था गर्ने प्रस्ताव पनि कार्ययोजनामा समेटिएको छ। बैंक तथा वित्तीय संस्थाले लगानी गर्न पाउने अवधिसम्बन्धी हालको ६ महिनाको सीमालाई घटाएर ४५ दिन कायम गर्ने प्रस्ताव पनि गरिएको छ।
कार्ययोजनामा कम्पनीहरूले आफ्नै सेयर पुनः खरिद गर्न पाउने व्यवस्था गर्ने प्रस्तावसमेत समावेश गरिएको छ। यस्तो व्यवस्थाले सूचीकृत कम्पनीहरूलाई आफ्नो सेयर व्यवस्थापनमा थप विकल्प उपलब्ध गराउने अपेक्षा गरिएको छ।