काठमाडौं, १८ अगस्ट २०२६ — नेपाली बजारमा मंगलबार सुनको मूल्य स्थिर रहेको छ भने चाँदीको मूल्य सामान्य घटेको छ।
नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला ३ लाख ६ हजार ८ सय रुपैयाँमा कारोबार भइरहेको छ। यो मूल्य सोमबारकै बराबर हो।
त्यसैगरी, सुनको मूल्य प्रतिदश ग्राम २ लाख ६३ हजार ३० रुपैयाँ कायम गरिएको छ।
यसैबीच, चाँदीको मूल्य प्रतितोला १५ रुपैयाँले घटेको छ। सोमबार प्रतितोला ४ हजार ७७० रुपैयाँमा कारोबार भएको चाँदी मंगलबार ४ हजार ७५५ रुपैयाँमा झरेको छ।
नेपालमा बिक्री हुने बीवाईडीका सवारीसाधनमा एनसेलको इन्टरनेट अफ थिङ्स (आईओटी) सिम जडान गरी कनेक्टेड सवारी सेवा उपलब्ध गराउने उद्देश्यले एनसेल र बीवाईडीको नेपालका लागि आधिकारिक वितरक साइमेक्स इंकबीच साझेदारी भएको छ। सम्झौताअनुसार नेपालमा बिक्री हुने प्रत्येक नयाँ बीवाईडी सवारीसाधनमा एनसेलको आईओटी सिम जडान गरिनेछ। यसबाट ग्राहकले अतिरिक्त उपकरण, वाइफाइ हटस्पट वा मोबाइल फोन जोड्नुपर्ने आवश्यकता बिना नै सवारीसाधनको प्रणालीबाट अनलाइन सेवा तथा डिजिटल मनोरञ्जन प्रयोग गर्न सक्नेछन्।
१८-अगस्ट-२०२६ १२:२२ PM
नेपाली बजारमा सुनको मूल्य आइतबार तोलामा ३ हजार ६ सय रुपैयाँले बढेको छ भने चाँदीको मूल्य ५० रुपैयाँले वृद्धि भएको छ। नेपाल सुनचाँदी व्यवसायी महासंघका अनुसार आइतबार छापावाल सुनको मूल्य प्रतितोला ३ लाख ५ हजार २ सय रुपैयाँ निर्धारण गरिएको छ। शुक्रबार छापावाल सुन प्रतितोला ३ लाख १ हजार ६ सय रुपैयाँमा कारोबार भएको थियो। त्यसैगरी, चाँदीको मूल्य प्रतितोला ४ हजार ७१० रुपैयाँ कायम भएको छ। शुक्रबार चाँदी प्रतितोला ४ हजार ६६० रुपैयाँमा कारोबार भएको थियो।
१६-अगस्ट-२०२६ १२:२९ PM
काठमाडौंको भृकुटीमण्डपमा जारी नाइमा नेपाल मोबिलिटी एक्स्पो २०२६ को पहिलो पाँच दिनमै १ लाख ५० हजारभन्दा बढी दर्शकले अवलोकन गरेका छन्। आयोजकले ६ दिनमा आउने अनुमान गरेको दर्शक संख्या एक्स्पो सकिनुभन्दा एक दिनअघि नै पूरा भएको हो। शनिबार मात्रै करिब ४२ हजार जनाले एक्स्पो अवलोकन गरेका थिए। यो हालसम्मकै एक दिनको सबैभन्दा ठूलो उपस्थिति हो। एक्स्पोको पहिलो दिन करिब २९ हजार, दोस्रो दिन २६ हजार, तेस्रो दिन २२ हजार र चौथो दिन ३१ हजारभन्दा बढी दर्शक पुगेका थिए। नेपाल अटोमोबाइल इम्पोर्टर्स एन्ड म्यानुफ्याक्चरर्स एसोसिएसन (नाइमा) ले एक्स्पोको छ दिनमा करिब १ लाख ५० हजार दर्शक आउने अनुमान गरेको थियो। पाँचौँ दिनमै उक्त लक्ष्य पूरा भएको हो।
१६-अगस्ट-२०२६ ११:१७ AM
नेपाल टेलिकमले आर्थिक वर्ष २०८२/८३ को चौथो त्रैमासिकसम्म ८ अर्ब ८६ करोड रुपैयाँ खुद नाफा कमाएको छ। कम्पनीको यो प्रारम्भिक तथा अपरिष्कृत वित्तीय विवरणअनुसार अघिल्लो आर्थिक वर्षको सोही अवधिको तुलनामा खुद नाफा ४७.५८ प्रतिशतले बढेको हो। आर्थिक वर्ष २०८१/८२ को चौथो त्रैमासिकसम्म नेपाल टेलिकमले ६ अर्ब रुपैयाँ खुद नाफा कमाएको थियो। त्यसको तुलनामा यसपटक नाफा २ अर्ब ८५ करोड रुपैयाँले बढेको छ। कम्पनीले आर्थिक वर्ष २०८२/८३ मा प्रमुख वित्तीय सूचकहरूमा समेत सुधार गरेको छ।
१६-अगस्ट-२०२६ ११:०३ AM
नेपाल वायुसेवा निगमको आम्दानी पछिल्लो आर्थिक वर्षमा बढेको प्रारम्भिक विवरणले देखाए पनि ऋण, ब्याज, मर्मतसम्भार तथा सञ्चालन खर्चका कारण राष्ट्रिय ध्वजावाहकको वित्तीय सुधार अझै चुनौतीपूर्ण देखिएको छ। प्रधानमन्त्री बालेन्द्र शाहले हालै नेपाल वायुसेवा निगममा सुधारका संकेत देखिएको बताएका थिए। सामाजिक सञ्जालमार्फत उनले निगमले चार महिनामै ६ अर्ब २७ करोड रुपैयाँ आम्दानी गरेको, ८६ प्रतिशत अकुपेन्सी हासिल गरेको र ऋणको किस्ताबापत १ अर्ब ६ करोड रुपैयाँ भुक्तानी गरेको बताएका थिए।
१५-अगस्ट-२०२६ ०५:४९ PM
बाराको सिमरास्थित विशेष आर्थिक क्षेत्र (सेज) मा सञ्चालित सात उद्योगले आफ्ना उत्पादन बजारमा बिक्री तथा वितरण सुरु गरेका छन् भने थप ११ उद्योग निर्माणको अन्तिम चरणमा पुगेका छन्। यससँगै सिमरा सेजमा औद्योगिक गतिविधि बढ्दै गएको छ। विशेष आर्थिक क्षेत्र प्राधिकरणका अनुसार सञ्चालनमा आएका तथा निर्माणको अन्तिम चरणमा रहेका उद्योगमा करिब ५ अर्ब रुपैयाँ लगानी भएको छ। सिमरा सेजका साइट इन्चार्ज रामसिंह मालले सेजभित्र स्थापना भएका सात उद्योगले उत्पादन सुरु गरी आफ्ना वस्तु बिक्री तथा वितरण गरिरहेको जानकारी दिए। सञ्चालनमा रहेका उद्योगमा नेपालीसँगै विदेशी लगानीकर्ताको पनि सहभागिता रहेको उनले बताए।
१५-अगस्ट-२०२६ ०१:४१ PM