काठमाडौं, १६ अगस्ट २०२६ — नेपाली बजारमा सुनको मूल्य आइतबार तोलामा ३ हजार ६ सय रुपैयाँले बढेको छ भने चाँदीको मूल्य ५० रुपैयाँले वृद्धि भएको छ।
नेपाल सुनचाँदी व्यवसायी महासंघका अनुसार आइतबार छापावाल सुनको मूल्य प्रतितोला ३ लाख ५ हजार २ सय रुपैयाँ निर्धारण गरिएको छ। शुक्रबार छापावाल सुन प्रतितोला ३ लाख १ हजार ६ सय रुपैयाँमा कारोबार भएको थियो।
त्यसैगरी, चाँदीको मूल्य प्रतितोला ४ हजार ७१० रुपैयाँ कायम भएको छ। शुक्रबार चाँदी प्रतितोला ४ हजार ६६० रुपैयाँमा कारोबार भएको थियो।
अन्तर्राष्ट्रिय सञ्चारमाध्यमका अनुसार आइतबार अन्तर्राष्ट्रिय बजारमा सुन प्रतिऔंस करिब ४ हजार ३७७ अमेरिकी डलर र चाँदी प्रतिऔंस ६४ अमेरिकी डलरमा कारोबार भइरहेको छ।
