काठमाडौं, १ सेप्टेम्बर २०२६ — नेपाली बजारमा मंगलबार सुन र चाँदी दुवैको मूल्य घटेको छ।
नेपाल सुनचाँदी व्यवसायी महासंघ (FENEGOSIDA) का अनुसार मंगलबार सुनको मूल्य प्रतितोला ५०० रुपैयाँले घटेर ३ लाख ६ हजार १०० रुपैयाँमा कायम भएको छ। सोमबार सुन प्रतितोला ३ लाख ६ हजार ६०० रुपैयाँमा कारोबार भएको थियो।
त्यसैगरी, चाँदीको मूल्य पनि प्रतितोला १५ रुपैयाँले घटेको छ। सोमबार प्रतितोला ४ हजार ७८० रुपैयाँ रहेको चाँदी मंगलबार ४ हजार ७६५ रुपैयाँमा झरेको महासंघले जनाएको छ।
भोटेकोशी–त्रिशूली बाढीबाट जलविद्युत् आयोजनामा ठूलो क्षति भएपछि जलविद्युत् तथा बीमा कम्पनीका शेयरमा तीव्र गिरावट आउँदा गत साता नेपाल स्टक एक्सचेन्ज (नेप्से) परिसूचक ६१.४१ अंक अर्थात् २.३५ प्रतिशतले घटेको छ। साताको सुरुवातमा २,६१८.७२ विन्दुमा रहेको नेप्से अन्तिम कारोबार दिन २,५५७.३१ विन्दुमा बन्द भएको छ। यस अवधिमा परिसूचक अधिकतम २,६२०.१३ विन्दुसम्म पुगेको थियो भने न्यूनतम २,५१७.७९ विन्दुसम्म झरेको थियो। यस आधारमा साताभर नेप्सेमा १०२.३४ अंकको उतारचढाव देखिएको छ।
२९-अगस्ट-२०२६ ०८:०३ PM
भोटेकोशी नदीमा आएको बाढीबाट प्रभावित क्षेत्रमा सञ्चालित जलविद्युत् कम्पनीका शेयरमा बिक्री चाप बढेपछि नेपाल स्टक एक्सचेन्ज (नेप्से) परिसूचक बुधबार ३५.९२ अंकले घटेर २,५५८.३५ विन्दुमा बन्द भएको छ। बाढी प्रभावित क्षेत्रमा सञ्चालित जलविद्युत् कम्पनीको शेयरमा उल्लेख्य गिरावट देखिएको छ। रसुवागढी हाइड्रोपावर कम्पनीको शेयर मूल्य १५ प्रतिशतले घटेर नकारात्मक सर्किट लागेको छ।
२६-अगस्ट-२०२६ ०७:३० PM
नेपालको शेयर बजारमा मंगलबार पनि गिरावट आएको छ। नेपाल स्टक एक्सचेन्ज (नेप्से) परिसूचक ५.३० अंकले घटेर २,५९४.२७ विन्दुमा बन्द भएको छ। यो नेप्सेको लगातार तेस्रो कारोबार दिनको गिरावट हो। परिसूचक घटे पनि मंगलबार कारोबार गतिविधि भने बढेको छ। कुल कारोबार रकम ४ अर्ब १० करोड रुपैयाँ पुगेको छ, जुन अघिल्लो कारोबार दिनको ३ अर्ब २३ करोड रुपैयाँभन्दा बढी हो।
२५-अगस्ट-२०२६ ०५:५१ PM
नेपाल टेलिकमले धार्मिक तथा पर्यटकीय दृष्टिले महत्वपूर्ण बाजुराको बडिमालिका क्षेत्रमा फोरजी मोबाइल तथा इन्टरनेट सेवा विस्तार गरेको छ। सेवा सञ्चालनमा आएसँगै सोमबारदेखि उच्च हिमाली क्षेत्रमा सञ्चार सुविधा उपलब्ध भएको छ। सञ्चार सेवा उपलब्ध भएपछि स्थानीय बासिन्दा, तीर्थयात्री, पर्यटक तथा उक्त क्षेत्रमा कार्यरत विभिन्न सरकारी र गैरसरकारी संस्थाहरू लाभान्वित हुने भएका छन्। यसअघि बडिमालिका क्षेत्रमा भरपर्दो सञ्चार सेवाको पहुँच थिएन। सूचना तथा सञ्चारमन्त्री डा. विक्रम तिमिल्सिनाले भर्चुअल माध्यमबाट सेवाको उद्घाटन गर्दै भौगोलिक रूपमा विकट क्षेत्रमा बसोबास गर्ने नागरिकलाई आधारभूत सञ्चार सेवाबाट वञ्चित हुन नदिने सरकारको प्रतिबद्धता रहेको बताए।
२४-अगस्ट-२०२६ ०८:२४ PM
साताको पहिलो कारोबार दिन सोमबार नेपाल स्टक एक्सचेन्ज (नेप्से) परिसूचक १९.१३ अंकले घटेर २,५९९.५८ विन्दुमा बन्द भएको छ। बजारका अधिकांश कम्पनीको शेयर मूल्य घटेपछि नेप्सेमा व्यापक गिरावट देखिएको हो। सोमबार कारोबार रकम पनि अघिल्लो कारोबार दिनको तुलनामा घटेको छ। दिनभर ३ अर्ब २३ करोड रुपैयाँ बराबरको शेयर कारोबार भएको छ। शुक्रबार ४ अर्ब १६ करोड रुपैयाँको कारोबार भएको थियो। सोमबार २२९ कम्पनीको शेयर मूल्य घटेको छ भने ४७ कम्पनीको बढेको छ। दुई कम्पनीको शेयर मूल्यमा भने कुनै परिवर्तन भएको छैन।
२४-अगस्ट-२०२६ ०६:३३ PM
नेपाली बजारमा सुनको मूल्य सोमबार प्रतितोला ३ हजार २ सय रुपैयाँले बढेर ३ लाख २२ हजार ७ सय रुपैयाँ पुगेको छ। नेपाल सुनचाँदी व्यवसायी महासंघका अनुसार अघिल्लो कारोबार दिन प्रतितोला ३ लाख १९ हजार ५ सय रुपैयाँमा कारोबार भएको छापावाल सुनको मूल्य सोमबार बढेर ३ लाख २२ हजार ७ सय रुपैयाँ कायम भएको हो।
२४-अगस्ट-२०२६ १२:२१ PM