काठमाडौं, १७ नोभेम्बर २०२६ — नेपाली बजारमा सुनको मूल्यमा गिरावट जारी रहँदा मंगलबार तोलामा १ हजार ९ सय रुपैयाँ घटेको छ। नेपाल सुनचाँदी व्यवसायी महासंघका अनुसार यससँगै सुनको मूल्य प्रतितोला २ लाख ६७ हजार २ सय रुपैयाँ कायम भएको छ।
सोमबार सुन प्रतितोला २ लाख ६९ हजार १ सय रुपैयाँमा कारोबार भएको थियो। पछिल्लो गिरावटसँगै तिहारयता सुनको मूल्य प्रतितोला १७ हजार १ सय रुपैयाँ घटिसकेको छ। तिहारअघि सुनको मूल्य २ लाख ८४ हजार ३ सय रुपैयाँ थियो।






