पेन्सिलभेनिया, अमेरिका, १९ अगस्ट २०२६ — फिलाडेल्फिया युनियनविरुद्धको खेलमा मैदानमा भएको विवादपछि इन्टर मियामीका कप्तान लियोनल मेस्सीलाई मेजर लिग सकर (एमएलएस) ले जरिवाना गरेको छ।
बुधबार सबराउ पार्कमा भएको खेलको अन्त्यतिर मेस्सीले फिलाडेल्फियाका क्विन सुलिभानको टाउकोको पछाडिको भागमा हातले प्रहार गरेका थिए। बल पास गरेपछि सुलिभानले आफूलाई कुहिनाले हानेको भन्दै मेस्सीले मैदानमै असन्तुष्टि जनाएका थिए।
मेस्सीको प्रहारपछि सुलिभान पनि आक्रोशित भएका थिए। तर रेफ्रीले तत्काल हस्तक्षेप गर्दै दुवै खेलाडीलाई अलग गराएका थिए र विवाद थप बढ्नबाट रोकेका थिए।
एमएलएसले मेस्सीलाई उक्त घटनाका लागि जरिवाना गरिएको पुष्टि गरेको छ। तर जरिवानाको रकम भने सार्वजनिक गरिएको छैन।
यो खेल मेस्सीले आफ्ना बुबाको निधनपछि इन्टर मियामीका लागि खेलेको पहिलो खेल थियो। उनले फिलाडेल्फिया युनियनविरुद्ध मियामीको दोस्रो गोल पनि गरेका थिए। खेल २–२ को बराबरीमा सकिएको थियो।
