हुम्ला, अक्टोबर ८, २०२६ — ‘हेर्ने कथा’को पछिल्लो भागले हुम्लाको रिबा गाउँका बासिन्दाले भोगिरहेको कठिन अवस्था देखाएपछि श्रम संस्कृति पार्टीका अध्यक्ष तथा सांसद हर्क साम्पाङले सुरक्षित झोलुङ्गे पुल निर्माणमा सहयोग गर्न गाउँ जाने बताएका छन् ।
साम्पाङले दुर्गम कर्णालीको उक्त गाउँमा पुगेर स्थानीयका लागि सुरक्षित झोलुङ्गे पुल निर्माणमा सहयोग गर्ने बताएका हुन् ।
‘हेर्ने कथा’को एपिसोड १७४ बाट लिइएको स्क्रिनसट, जसमा हुम्लाको रिपा गाउँका एक स्थानीय बासिन्दा तुइनको सहायताले नदी पार गर्दै गरेको देखिन्छ।
उनले फेसबुकमा लेखेका छन्, “नमस्ते हुम्ला... मैले देखिसकें तपाइँलाई आमा ! म आउनेछु ! मलाई केही चाहिँदैन ! तपाइँहरुको एकै भोट पनि चाहिँदैन ! म नेपाली हुँ ! नेपाली बनेर आउनेछु, सकेको गर्नेछु है आमा !”
हर्क साम्पाङले फेसबुकमा पोस्ट गरेको स्टाटस
‘हेर्ने कथा’को एपिसोड १७४ सार्वजनिक भएपछि साम्पाङले उक्त धारणा सार्वजनिक गरेका हुन् । उक्त एपिसोडमा हुम्लाको रिबा गाउँका बासिन्दाले भोगिरहेको कठिन अवस्थाबारे प्रस्तुत गरिएको छ ।
साम्पाङले गाउँमा पुगेर स्थानीय समस्याको समाधानका लागि आफूले सकेको सहयोग गर्ने बताएका छन् ।
