काठमाडौं, सेप्टेम्बर २२, २०२६ — ७२ वटा कारोबार सदस्यलाई सेवा दिइरहेको डेटा सेन्टरमा देखिएको प्राविधिक समस्या समाधान भएपछि नेपाल स्टक एक्सचेन्ज (नेप्से)को नियमित सेयर कारोबार मंगलबारदेखि सुचारु हुने भएको छ।
नेप्सेका सूचना अधिकारी मुराहरि पराजुलीका अनुसार कारोबार सदस्यका लागि डेटा सेन्टरका रूपमा रहेको डेटा हब प्रालिमा देखिएको प्राविधिक समस्या समाधान भएको जानकारी प्राप्त भएपछि सेप्टेम्बर २२ देखि नियमित कारोबार सुचारु गर्न लागिएको हो।
डेटा सेन्टरमा प्राविधिक समस्या आएपछि नेप्सेले सेप्टेम्बर २१ मा नियमित कारोबार स्थगित गरेको थियो। समस्या समाधान नगरी कारोबार सञ्चालन गर्दा नेप्सेको कारोबार प्रणालीमा क्षति पुग्न सक्ने जोखिम रहेकाले कारोबार रोकिएको थियो।
नेपाल धितोपत्र बोर्ड (सेबोन)ले पनि कारोबार स्थगित गर्नुपरेको प्राविधिक समस्याबारे अध्ययन तथा छानबिन गर्न नेप्सेलाई निर्देशन दिएको थियो। भविष्यमा यस्ता घटना दोहोरिन नदिन आवश्यक सुधारका उपायसहितको प्रतिवेदन पेस गर्न बोर्डले नेप्सेलाई निर्देशन दिएको थियो।
सेबोनले घटनाको प्राविधिक पक्षको अध्ययन गर्न उपकार्यकारी निर्देशकको नेतृत्वमा पाँच सदस्यीय निरीक्षण टोलीसमेत खटाएको छ।
डेटा सेन्टरको समस्या समाधान भएपछि कारोबार सुचारु हुन लागेको भए पनि घटनाको प्राविधिक कारण र यससँग सम्बन्धित प्रणालीगत जोखिम भने अझै पहिचान हुन बाँकी छ।
नेप्से बुधबार २१.३२ अंकले बढेर २,६२१.२६ विन्दुमा बन्द भएको छ। कुल कारोबार ४ अर्ब १३ करोड रुपैयाँ पुग्दा बैंकिङ, विकास बैंक र निर्जीवन बीमा समूहमा एक प्रतिशतभन्दा बढी वृद्धि भयो।
१४-अक्टोबर-२०२६ ०४:२८ PM
नेप्से परिसूचक मंगलबार ११.९६ अंकले बढेर २,५७८.७३ विन्दुमा पुगेको छ। १६९ कम्पनीको सेयर मूल्य बढ्दा दैनिक कारोबार रकम ३ अर्ब १३ करोड ८१ लाखमा झरेको छ।
०६-अक्टोबर-२०२६ ०४:४१ PM
नेप्से परिसूचक सोमबार २०.४८ अंकले घटेर २,५६६.७६ विन्दुमा झरेको छ। कारोबार रकम ३ अर्ब २७ करोड रुपैयाँमा सीमित हुँदा अधिकांश उपसमूहगत परिसूचक घटेका छन्।
०५-अक्टोबर-२०२६ ०४:५२ PM
सोमबार नेप्से १६.४७ अंकले घटेर २,६१३.३३ विन्दुमा पुगेको छ। २२४ कम्पनीको सेयर मूल्य घट्दा कुल बजार कारोबार ५ अर्ब ३८ करोड रुपैयाँ भएको छ।
२८-सेप्टेम्बर-२०२६ ०४:५३ PM
बिहीबार नेप्से ११.७७ अंकले बढेर २,६२९.८१ विन्दुमा पुगेको छ। १७६ कम्पनीको सेयर मूल्य बढ्दा बजार कारोबार ६ अर्ब ३५ करोडबाट घटेर ५ अर्ब ४४ करोड रुपैयाँमा सीमित भयो।
२५-सेप्टेम्बर-२०२६ ०६:३० PM
बुधबार नेप्से परिसूचक ३६.२५ अंकले घटेर २,६१८.०३ विन्दुमा झरेको छ। २५३ कम्पनीको सेयर मूल्य घट्दा ५७ हजार ९४७ कारोबारमा ६ अर्ब ३५ करोड रुपैयाँको कारोबार भयो।
२३-सेप्टेम्बर-२०२६ ०४:१६ PM